مرحبا بكم في منتدى قبيلة الغنانيم كلمة الإدارة


الــصــيـوان واستراحة الأعضاء. للترحيب بالضيوف وبالأعضاء الجدد ، ومشاركة الجميع مناسباتهم

إضافة رد

  #1  
قديم 12-14-2010, 02:58 AM
الصورة الرمزية عبدالله الهاشمي
عبدالله الهاشمي عبدالله الهاشمي غير متواجد حالياً
كاتب فضي
 
تاريخ التسجيل: Nov 2010
المشاركات: 1,932
معدل تقييم المستوى: 10
عبدالله الهاشمي is on a distinguished road
افتراضي قصة : خلوه شرعية

قصة : خلوه شرعية
منقوله

كان خالد وزوجته ساره في الطائرة متجهين الى احدى الدول للسياحة

تاريخ الحدث : 14/12/2010م
المكان : السماء
الارتفاع: 28 الف قدم

الشخصيات : ( خالد) 35 سنه وزوجته (ساره) 28 سنه
كانت ساره نائمة على كتف خالد المنشغل بقراءة الجريده في اللحظه التي أعلن قائد الطائره عن ربط الاحزمه فتوجس علقه كون الرحله في بدايتها والتفت للنافذه فلفت نظره أدخنه تخرج من جناح الطائره فقام (بنطح) ساره بكتفه بخفه لتنهض مفزوعه

ساره
(بنرفزه)
وش فيك

خالد
(ببرود وهو يقرأ الجريدة)
الطيارة بتطيح

ساره
(تصرخ)
ايش

خالد
اسكتي لاتفضحين

وفجأه تهوي الطائره بسرعه عنيفه جعلت المسافرين يشعرون بقلوبهم تزاحم اسنانهم وامعائهم تزاحم حنجرتهم ,فدوت صرخاتهم هلعا حتى اعتدلت الطائره بعد محاولات من قائده

ساره
(تصرخ وهي ممسكه بزند خالد وتهزه)
خالد بنموت بنموت

يلتفت خالد للنافذه في الجهه الأخرى فيلحظ دخان يخرج من جناح الطائره الآخر
خالد
حلو .. كملت

ساره
(تبكي)
وشو

خالد
(ببرود)
الطياره بتطيح

ساره
(تبكي)
ياربي وش هالبرود اللي فيك

خالد
لو الخوف فيه خير ماحد سبقني عليه هههههه

قائد الطائره(يتحدث)
نعتذر اعزائي المسافرين عن الخلل الفني الطاريء وجاري العمل على اصلاحه

ساره
(تمسح دموعها) يوووه الحمدلله الحمدلله

خالد
(بسخريه يضع يده على دقنه) هذا وجهي

ساره
وشو

خالد
اقول الطيارة بتطيح وش رايك نطب

ساره
صاحي انت وين نطب؟ بنموت

خالد
(بنرفزه) يعني لو جلستي هنا بتعيشين ؟

ساره
يقولك انه بيصلح الخلل

يمسك (خالد) (ساره) ويسحبها رغما عنها ويتجه لباب الطائره محاولا فتحه رغم محاولة المضيفين والمضيفات صده الا انه يقاومهم ويفتح الباب ويعانق زوجته بقوه وهي تحاول الفكاك صارخه

ساره
(تصرخ) هدني الله ياخذك هدني

قفز الاثنان وخلال ثواني اصبح الزوجان في الهواء الطلق متعانقان واصبح ظهر خالد للسماء وظهر ساره للأرض ثم اخرج خالد من جيبه نظاره

خالد
خذي البسي ذي
(يقصد النظاره)
ساره
(مغمضة العين) ماني بلابسه شي… وخر عني ..وخر

خالد
صاحيه انتي لو تركتك بتضيعين بالسما

ساره
(تفتح عين واحده وهي مرتعبه) وش هذي

خالد
نظاره تحمي عينك

ساره يزول خوفها وتنقلب الى غاضبه

ساره
الله لايوفق عدوك شكلك داري ان الطياره بتطيح والا من وين جبت النظاره؟

خالد
والله مدري لقيتها بجيبي

ساره
ماني لابستها الهواء يضرب براسي موب عيني

خالد
اقول خذي البسيها احتياط لايفقع الهوا عينك

ساره
ممكن اعرف ليه ماتصير انت مقابل الارض

خالد
وش الفرق

ساره
عشان لو طحت انت وانا فوقك مايجيني شي

خالد
بس كذا ..ولايهمك يلا هوبل

يأخذ خالد لفه وهو في الهواء ليصبح ظهره للأرض وظهر ساره للسماء

خالد
كيف الوضع
ساره
لاتسوي حركات نص كم وتقلب اذا قربنا من الارض

خالد
ابشري

ساره
مااحس اني طايره بالهوا ليش صاير هدوء

خالد
اذنك انسدت من الضغط …ابلعي ريقك

ساره
لا خلني كذا احسن

خالد
كيف الحال

ساره
تمام..بس ليه ماخليتنا بالطياره احسن

يسمع الاثنان صوت انفجار قوي مصدره السماء

خالد
الطياره ردت عليك بنفسه

ساره
(متفاجئه) الله انفجرت الطياره

خالد
(بسخريه) احلفي

ساره
والله انفجرت شفها هناك
(تؤشر لجهة اليمين)


خالد
طيب ادري

ساره
كله منك لو رايحين دبي كان على الاقل طحنا بالبحر بدل مانطيح بالرمل

خالد
وش الفايده وانت ماتعرفين تسبحين ؟

ساره
(بثقه) بتعلق فيك

خالد
المهم لاقربنا من الأرض علميني عشان اتشهد

ساره
(بحزن) الله يرحمنا برحمته

خالد
ايوه وش ناويه تطبخين لنا اليوم

ساره
(تسايره) الدجاج خلص مافي الا بيض

خالد
طيب لو جبت لك دجاجه الحين؟ تطبخينها ؟

ساره
والله انك فاضي وين اطبخ وانا بالسم

يمد خالد يده بعيدا ويلتقط طائرا كان يحلق قريبا منهم



ساره
وش تسوي انت

خالد
(مبتسم) جبت لك طير البحر وهو ولد خالة الدجاجه

ساره
طير بحر وش جابه هنا وحنا فوق البر!!! …بعدين هذا ماينوكل وش بلاك انت

خالد
(بسخريه) وش رايك اطلب لك المنيو عشان تختارين طير ثاني ؟ ترى حنا بالسما على فكره

ساره
خالد ماني بطابخه شي…وبعدين مافي صلصه ولاطماط ولا بصل

يترك خالد الطير

خالد
يووووه حسافه على صندوق الطماط اللي شريته لامك ليتني مخليه ورث لعيالي



ساره
(بغضب) ورا …امي ماتستاهل ؟

خالد
الا تستاهل وانا حي.. بس وانا ميت اسمحي لي الطماط صار ذخر وعيالي اولى به

ساره
امي تستاهل تراها خلتك تاخذني منها

خالد
(بحزن) وعيالي

ساره
اسكت لاتذكرني فيهم بكوتي على وشك …اقول ماقربنا من الارض ؟

خالد
الحين انتي اللي تشوفين الارض وتساليني ؟!!

ساره
ماشوف بعيد بنظارتك ذي

تلمح ساره نور برق جهة اليمين

ساره
يمه كني شفت نور برق مدري رعد ؟

خالد
وين؟

ساره
هناك (تؤشر لليمين) ..يما بيكهربنا

خالد
موب برق صدقيني هذا شكله ساهر صورنا ..شكلنا طايحين عكس هههههههه

ساره
ساهر بالسما؟

خالد
وين مايروح الاخضر انا وياه

ساره
المخالفات تسقط عن المتوفي..صح؟

خالد
طبعا

ساره
اجل ليته ساهر ولابرق يصقعنا

خالد
طيب ركزي قدامك لو شفتي غيمه بالطريق علميني عشان نطب فوقها نريح شوي

ساره
غيمه؟ ماتقدر تجلس فوقها!!

خالد
انتي علميني وماعليك

ساره
كني اشوف غيمه كبيره



يفاجيء خالد زوجته بشقلبه سريعه ليصبح ظهره للسماء ثم يركز على الغيمه وفور اقترابه منها يغير اتجاه سقوطهم ليقعان فوق الغيمه

ساره
(بعد ان استلقت على الغيمه وتنهدت ) آآآآه حسبتك بتغدر فيني يوم تقلب

خالد
اعوذ بالله مافي ثقه ابد

ساره
(تحاول لمس الغيمه) غريبه والله شايلتنا

خالد
متى مازهقتي علميني عشان نكمل

ساره
وليه مانجلس هنا الين يجينا احد

خالد
وين يجيك احد هنا مافي الا الطيور

ساره
شكلي بفلوز من البرد

يخرج خالد من جيبه بنادول وفيتامين سي

خالد
خذي اشربي دوا عشان ماتجيك

ساره
منت بصاحي من وين تجيب هالاشياء

خالد
مدري لقيتها بجيبي

ساره
دور يمكن تلاقي مويا

خالد
المويا موجوده دقيقه

يقطع خالد جزء من الغيمه ويعصره في يده ليخرج له قليل من الماء

خالد
(مبتسم) اشربي ..مويا بدون ماندفع فاتوره مدبله ههههههه

ساره
انت مسكت باب الطياره اكيد يدك تلوثت

خالد
بكيفك بشربه انا

يشرب خالد الماء من يده بارتواء تام

خالد
مممم يازين البلاش

ساره
وشلون اكل الدوا طيب

يحس خالد ببدء تبخر الغيمه

خالد
افااا بدت تتبخر من حنتك يلا تجهزي بنطب

ساره
لييه مبسوطين والله

خالد
اخلصي علي
يهم خالد بمعانقة ساره قبل ان يقفز من الغيمه ولكنها تبخرت فيهما ويقعان بالارض وتتشبث ساره بخالد بقوه وهي خائفه

خالد
(يتحدث مصري) سيبيني سيبيني

ساره
(باستغراب) وشو

خالد
(بصوت مخنوق) سيبيني يخرب بيتك حموت

ساره
وش فيك تتكلم مصري

تاريخ الحدث : 14/12/2010م
المكان : غرفة في احد المستشفيات
الشخصيات : خالد وساره والطبيب مدحت
ساره نائمه على السرير وممسكه بالطبيب من رأسه تحاول التعلق به ثم تمسكه من رقبته وتحاول ان تخنقه ويحمر وجهه ثم تمكن من الابتعاد عنه

الطبيب
(بنرفزه) يااااااااه ايه العنف ده

خالد
شفت يادكتور هذي حالتها كل يوم تجيها الحاله وهي نايمه وتتعلق فيني وتخنقني وانا نايم

الطبيب
دي حاله منيله بنيله

ساره مازالت تبحث في الهواء عن شي تتعلق به

خالد
وش الحل يادكتور امس من قوة الحضن دخل كتفها ببلعومي بغيت اموت

الطبيب
(يكتب على لوح التقرير) يسمح لها بالخروج

ينظر الطبيب لخالد

الطبيب
يبني مراتك مش عاوزه علاج وانا كتبت ليها خروق<< خروج

خالد
(باستغراب) ليه

الطبيب
علاجها انكم تعيشو برى البلد لحد ماتموتو
رد مع اقتباس

  #2  
قديم 12-14-2010, 12:00 PM
الصورة الرمزية طلال الغنامي
طلال الغنامي طلال الغنامي غير متواجد حالياً
كاتب فضي
 
تاريخ التسجيل: Mar 2009
المشاركات: 1,699
معدل تقييم المستوى: 11
طلال الغنامي is on a distinguished road
افتراضي

عبدالله بس المخالفة تسجل على من


لاهنت تقبل مروري
__________________
انا اشهدانك مرتكي كنك طويق=لولاك كان ابطيت وانا اتحلم
من لاعرف وقفتك في ساعة الضيق=يفداك يامسري لو انه ولدعم
رد مع اقتباس

  #3  
قديم 12-14-2010, 03:32 PM
الصورة الرمزية عبدالله الهاشمي
عبدالله الهاشمي عبدالله الهاشمي غير متواجد حالياً
كاتب فضي
 
تاريخ التسجيل: Nov 2010
المشاركات: 1,932
معدل تقييم المستوى: 10
عبدالله الهاشمي is on a distinguished road
افتراضي

على الي ماربط حزام الامان
شاكر مرورك لك ودي
رد مع اقتباس

  #4  
قديم 01-09-2011, 04:19 PM
الصورة الرمزية إياد الروقي
إياد الروقي إياد الروقي غير متواجد حالياً
كاتب ماسي
 
تاريخ التسجيل: Sep 2010
الدولة: الرياض
المشاركات: 9,635
معدل تقييم المستوى: 18
إياد الروقي is on a distinguished road
افتراضي

مشكوووووور والله يعطيك الف عافيه
__________________

رد مع اقتباس

  #5  
قديم 01-09-2011, 07:13 PM
الصورة الرمزية يوسف الغنامي
يوسف الغنامي يوسف الغنامي غير متواجد حالياً
مشرف سابق
 
تاريخ التسجيل: Jul 2008
الدولة: Everywhere
العمر: 33
المشاركات: 3,687
معدل تقييم المستوى: 14
يوسف الغنامي is on a distinguished road
افتراضي

هههههههههههههههههههههههههههههههههههههههههههههههههه هه
هههههههههههههههههههههههههههههههههههههههههههههههههه ه
هههههههههههههههههههههههههههههههههههههههههههههههههه ه
__________________
لا اله الا انت سبحانك اني كنت من الظالمين ،
رد مع اقتباس

  #6  
قديم 01-09-2011, 07:15 PM
الصورة الرمزية عبدالله الهاشمي
عبدالله الهاشمي عبدالله الهاشمي غير متواجد حالياً
كاتب فضي
 
تاريخ التسجيل: Nov 2010
المشاركات: 1,932
معدل تقييم المستوى: 10
عبدالله الهاشمي is on a distinguished road
افتراضي

شاكرمرورك ايادالروقي
__________________
رد مع اقتباس

  #7  
قديم 01-09-2011, 07:17 PM
الصورة الرمزية عبدالله الهاشمي
عبدالله الهاشمي عبدالله الهاشمي غير متواجد حالياً
كاتب فضي
 
تاريخ التسجيل: Nov 2010
المشاركات: 1,932
معدل تقييم المستوى: 10
عبدالله الهاشمي is on a distinguished road
افتراضي

انشاء الله انشوف الضحكه على طول اخوي يوسف
__________________
رد مع اقتباس

  #8  
قديم 01-09-2011, 07:26 PM
الصورة الرمزية يوسف الغنامي
يوسف الغنامي يوسف الغنامي غير متواجد حالياً
مشرف سابق
 
تاريخ التسجيل: Jul 2008
الدولة: Everywhere
العمر: 33
المشاركات: 3,687
معدل تقييم المستوى: 14
يوسف الغنامي is on a distinguished road
افتراضي

وياك ابو عابد
__________________
لا اله الا انت سبحانك اني كنت من الظالمين ،
رد مع اقتباس

  #9  
قديم 01-09-2011, 07:40 PM
الصورة الرمزية ابوعليط العطاوي
ابوعليط العطاوي ابوعليط العطاوي غير متواجد حالياً
كاتب مبدع
 
تاريخ التسجيل: Nov 2010
المشاركات: 936
معدل تقييم المستوى: 9
ابوعليط العطاوي is on a distinguished road
افتراضي

اناتر الى كان يسوق الطائره بس ماسعت الكلام هذا كله ياعبدالله
__________________
رد مع اقتباس

  #10  
قديم 01-09-2011, 07:49 PM
الصورة الرمزية عبدالله الهاشمي
عبدالله الهاشمي عبدالله الهاشمي غير متواجد حالياً
كاتب فضي
 
تاريخ التسجيل: Nov 2010
المشاركات: 1,932
معدل تقييم المستوى: 10
عبدالله الهاشمي is on a distinguished road
افتراضي

المشاركة الأصلية كتبت بواسطة ابوعليط العطاوي



اناتر الى كان يسوق الطائره بس ماسعت الكلام هذا كله ياعبدالله









اثرك متعدد المواهب يابوعليط طياره مره وحده
__________________
رد مع اقتباس
إضافة رد

مواقع النشر (المفضلة)

المواضيع المتشابهه
الموضوع كاتب الموضوع المنتدى مشاركات آخر مشاركة
فلنحياء حياه حلوه غيوم نجد القسم العام 6 07-06-2012 03:46 PM
قصه حلوه وأنتم أحلا أقروها وحكمو عليها مبارك العتيبي منتدى الشعر والقصص الشعبية 14 05-29-2012 12:40 AM
تكفون خلوه يرجع عن قراره ڛعد الغنامـﮯ منتدى الشعر والقصص الشعبية 6 10-15-2010 12:39 AM
مقاطع حلوه رياضية يوسف الغنامي الــصــيـوان واستراحة الأعضاء. 3 04-16-2009 11:25 PM
انشوده حلوه كثير.. جنونْـ آـنثى’ منتدى الصوتيات 5 03-05-2009 12:34 AM

أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 04:41 AM


جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط