مرحبا بكم في منتدى قبيلة الغنانيم كلمة الإدارة


منتدى قبيلة عتيبة الهيلا كل ما يخص قبيلة عتيبة الهيلا وشيوخها وفرسانها ورجالها البارزين وديارهم

إضافة رد

  #1  
قديم 09-16-2011, 11:51 PM
الصورة الرمزية نـايـف بـن منيـف الغنامي
نـايـف بـن منيـف الغنامي نـايـف بـن منيـف الغنامي غير متواجد حالياً
كاتب مبدع
 
تاريخ التسجيل: Jan 2010
المشاركات: 896
معدل تقييم المستوى: 9
نـايـف بـن منيـف الغنامي is on a distinguished road
افتراضي دخيل الله الـدجيما يخـلد سيرتة التاريخ

السلام عليكم ورحمة الله وبركاته

لا يخفى على كثير من القراء قصة الدجيما فهي مشهورة وخاصة في الجزيرة العربية
وهـي قصة حب خلدهـا التـاريـخ
والمــشهور بأنة شهيد الحب في جيلة
اسمـه ::دخيل الله بن عبدالله الدجيما الثعلي العضياني العتيبي .

ولد عام 1270هـ وتوفي عام 1320هـ على ارجح الاقوال
وبذلك يكون توفي وعمره خمسين عام

وهو من اهالي المحاني التابعة لمنطقة الطائف ..

------------------------------
ذكــر أن الدجيما لا يملك من الدنيا الا ناقته وبندقيته ( مثيبة )


وجعل من ناقته وسيلة تنقلة الى من هواها قلبة ومن بندقيته وسيلة للدفاع عن نفسة .

افراد قبيلته لهم معارك للكسب ولاكن لم يشاركهم معاركهم لان لدية معركه

اهم واقوى مع قبيلة معشوقته لعله ان يوفر طاقته وجهده للضفر بها لا يريد من هذه الدنيا

سواها . يمني نفسة بملاقاتها يذهب الى الغدير لعله يرى معشوقته.

تقدم الى اهل معشوقته طالبا الزواج , ولعلمهم بان الدجيما لا يملك المال طلبو منه

ثلاثين ناقة . مع تبييت النية بانهم لن يجوزوه , رجع الدجيما الى قبيلته واخبرهم بالامر ,

فتم جمع ثلاثين ناقة مهر لمعشوقته سميحة , ورحل الدجيما الى اهل معشوقته

مقدما لهم المهر , وردوا عليه بالرفض حيث قالوا لانريد تزويجك اياها

لانه عار عند القبائل اذا زوج المحب لمن يحب ولكنهم طلبوا منه الابل لتصعيب الامر عليه

لانه لا يملكها وبعد هذا الرفض مرت الايام واتى الدجيما ذات يوم الى الغدير المسمى النعم

جنوب الحفاير واذا بالفتاه التي يحبها على جانب الغدير واضعه اللثام وتغسل وجهها وبسبب

زيادة شوقه وحبه لها اجتاز الغدير نحوها ورشقها بالحبة وهو بين افراد قبيلتها

لقد اقدم على مخاطرة كادة ان تودي بحياته , فصاحت البنت وجاء اقاربها واخوتها وسالوها

عن سبب صياحها ورفضت البوح لهم بانه فعل كذا خوفا من تثير فتنة بين جماعتها

وجماعة دخيل الله الدجيما فشك اهل البنت انه فعل ما فعل وبرزوا للقتال وقالوا سنقتل دخيل الله

وقال جماعة الدجيما سنقتل من يقتل دخيل الله ولكن القبائل تدخلت لفض النزاع وانهاء القضية
وبعــدها تواكبت الأمــراض على الدجيما وهــو مرض الحب إلـى أن وافتة المنية""


وهذه القصيده المشهورة للدجيما والتي لحنت وعزفت من قبل بعض الفنانين

ياجر قلبـي جـر لـدن الغصـوني=غصون سدر جره السيـل جـرا

واهله من اول بالورق يورقونـي=علـى غديـر تحتـه المـا يقـرا


على الـذي مشيـه تخـط بهـوني=والعصر من بيـن الفريقيـن مـرا
لا والله اللي بالهـوى هوجرونـي=هجر بـه الحيـلات عيـت تسـرا


لا مبعـد عنـهـم ولا قربـونـي=ولا عايف منهـم ولا نـي مـورا
واكثر عذاب القلب يـوم اسنحونـي=بيح بصبـري لـو بغيـت اتـدرا


لا ضاق صدري قمت اباري الظعوني=كنـي غريـر بالدلوهـة مضـرا
وقبلي عليه اشفق وتبكي عيونـي=والحـال مـن ود الحبيـب تبـرا


يا عزتا لي مـن تفـرق شطونـي=يعزا لي ارمـي بالسلـب واتعـرا
ان مت فـي خـد بعيـد انقلونـي=على هـدي الزمـل مشيـه تـدرا

بين النهـود وقـد روس القـروني=عن الهبايـب مستكـن مــذرا
ياليتهـم بالـحـب ماولعـونـي=كان ابعـدوا عنـي بخيـر وشـرا


والا انهـم يـوم إنهـم قربونـي=خلونـي اقضـي حاجتـي واتـدرا
وياليتهم في الدرب مـا واجهونـي=وياليتهـم مـازادوا الحـر حـرا


وياليتهم عـن حاجتـي سايلونـي=يوم انـي اقعـد عندهـم واتحـرا
وياليتهم مـن زادهـم اطعمونـي=وانـا علـى زاد اليتـيـم اتـجـرا


لا قربـوا مـنـي ولا بعـدونـي=ولا ميس منهـم ولا نـي مـورا
الخد بـرق فـي علـو المـزوني=تقول بـراق مـن الصيـف سـرا





وهذه القصيده قالها عند وفاته


هيض علي الحيـد فـي ربـة الصيـد=وأطـري عليـة زيـد بالـود لا عـاد
عديت أنا فالجال مع سرحـت المـال=وشفت الغبيـط يشـال والمـال ينقـاد

وجض الضمير وجاض والدمع قد فاض=وحولت أنا مغتاض وأبديـت الإنشـاد
عيني لجاجة والبكـى إلهـا سماجـة=وإلها مية حاجـة وعدوّهـا الأحسـاد

يا مـن يداويهـا عـن الهـزم فيهـا=قـدام يعميهـا ويخـر لهـا أرمــاد
جرحي كبيـري بالضمايـر خطيـري=ولو هو بغيري ما شرب ماء وأكل زاد

صابة لطيف الروح والقلـب مجـروح=واللي كتب فاللـوح جانـي بالأوكـاد
أبـو فـم ينبـاج عـن غـر افـلاج=مثل الحيا البهـاج فالمـزن الانضـاد
ونهود مثل البيض في مرجع الفـاض=في وقت حتن القاض من قـد الامهـاد

ميـر آتعـبـر عنـدهـم وآتجـبـر=مقـدر أعبـر والوجـع فـيّ يـزداد
جو بالطبيبـي مـن تـردي نصيبـي=هو يحستب اللي بي تداويـه الأجـواد

و(المغربي) جوبه علـيّ أوقفـوا بـه=وعطـوه مطلـوبـه وداوا ولا فــاد
يحسـب بلايـة علـة فـي شوايـة=وأنـا بلايـة ود مـركـوز الانـهـاد

وجـو بالمخـرّج لعنبـوا ذا المهـرّج=يبـي يفـرّج والله أخـبـر بـمـا راد
فـوق الحفايـر جـددوا لـي جدايـر=والحـول دايـر حطـوا البيـر ميـراد

وزابنـوا عليـه رونشـن فيـه فيـه=وأخذوا شوية واجلسـوا فيـه يـأولاد
والقبر إلـي حطـوه باعيـن وأمـدوه=والبرج لي حطـوه مـا بيـن الألحـاد

وخلوا الصبا تذري صباحـا وعصـري=وأليـا بغيـت أسـري، فيـه معـواد
جاني من الرحمن وفـد لهـم شـان=يومني أجلي حان والجسـم قـد بـاد

بعـد خـذوا روحـي وكلـن ينوحـي=والماء يفوحي قربـوا لـي بالأعـواد
لفـوا عليـة لـف خـام بـلا كـف=وصفوا علية صـف يدعـون الأجـواد

ثـم احملونـي بالنعـش وادفنـونـي=واقفـوا وخلونـي وحيـدا بالالـحـاد
جونـي مناديـب الولـي واقعـدونـي=به لقنونـي خمـس الأركـان بعـداد

يعطينـي الجـنـة كبـنـة مضـنـة=عطا بلا منـة وهـو سيـد الأسيـاد
أطلب عظيم الشان عفـوه والاحسـان=الخالـق المنـان فعّـال مــا راد





"وقال في بندقيته " مثيبة

يازربـة عديـة فـي قنتـهـا=بين الحفاير والنهي والفاضـة
معـي مثيبـة زينـة حليتهـا=ما هيب لا قشرا ولا عضاضـة
مضرب رصاصتها على نتلتهـا=تشدي لناب الولبه العضاضـه
مشقاصها كنه علـى فطحتهـا=عود يبي يوفي جميع افراضـه
صنع النصارى كبـرو جردتهـا=تشدي لبراطم قينـة مغتاضـة
اطيب من المعزى ومن حوشتها=عقص القرون كبودها حماضه


:وهاذي اخرى من قصائده يقول
سلام من قلب كبير كيانه=مهما يجيه من المشاريه ماضاق
سلام يا حصن رفيع مكانه=طول السنين برفرف العز خفاق
لك ياسمين بقشرة البرتكانة=ولك وردة تغمر فؤادك بالاشواق
ياماهر الدنيا متاع ومهانة=وتخلف على العاصي حميم وغساق
وابوي قال اترك دروب الاهانة=وخلك بدرب العز داعي وسباق
وعلى رسول الله مؤد الامانة=صلاة ربي عد ما لاح براق



"والاخرى " البارحه
البارحـه كنيـت واليـوم ونـيـت=ونت حمام البيـت حـول المقامـي
وجـر قلبـي جـر غـرب تحـدر=اقفت تجـره جـر عجفـا سنامـي

اقنب قنيب الذيب عجـل المهاذيـب=اليا قنـب قنيـب جنـح الظلامـي
على حسيـن الـدل زيـن المعـزل=عليه دمعـي هـل مثـل الغمامـي

وعيونها نجلي بها المـوت عجلـي=يـارب تفرجلـي سـوات القثامـي
ريحه زباد عقيل في قهـوة وهيـل=ياويل قلبي ويل جوعـان ضامـي

وريقه حليب خلوف واشعوفها وقوف=بالوادي المصيوف والعشب زامـي
قالوا معذب فيه يانـاس قلـت ايـه=ليصار مالـي فيـه بالـود لامـي

ويحش قلبي حش زرع(ن) بعد جش=الى ركيبه هـش يـوم الصرامـي
سووا جرينـه والعـرب محتسينـه=والصبح موفينـه بعـد باغتنامـي

واصبح من الى به يصفـي ركيبـه=تقـول لاحسـه الجـراد التهامـي
عقب المقام الزين جـوف البساتيـن خلوه=مـن بقعـة ركيبـه قسامـي

عليك ياثـلاب ياعسـل ا لانيـاب=يابو خديـد فيـه حانـي الوشامـي
ذبحتنـي بالـود ياسهيـف الـخـد=وذبح(ن) بليا حـق اثـام وحرامـي



واهنا قال الدجيما :

قال الدجيما من هوى صاحبه ون=يصرخ من الفرقا صريخ الدواليب
يامل قلب ٍ من هوى البيض يشطن=برسن حديد معلّق ٍ لـه كواليـب
يالايمن قلب الهـواوي ليـا حـن=لاصار كل ّ ٍ بالهوى له مطاليـب

إن مت يامشعان من هن ّمن هـن=حطوا على قبري جويد الطواليب
الله على طول النفّس من رشحهن=قدام لاتذكـر عليـه النواصيـب
ابو عيون ٍ يوم يطـرق هدبهـن=تقول ريش مسرولات العرا

--------------


وأصبحت قصص الدجيما مشهدا للشعراء
فمنهم الشاعر ابن سبيل حيث يقول

أخاف من موت بليا حقيقة
مثل الدجيما لا طرد به ولا سيق



ويقول ابن مقيبل :
والدجيما من هوى الزينات مات

وشاعر اخر يقول

عايض أبو بطين الغنامي
الهوى قد ذبح له شمري ... والدجيما على موته شهود







__________________

التعديل الأخير تم بواسطة نـايـف بـن منيـف الغنامي ; 09-17-2011 الساعة 01:36 AM
رد مع اقتباس

  #2  
قديم 09-17-2011, 12:06 AM
الصورة الرمزية نوح فايح الغنامي
نوح فايح الغنامي نوح فايح الغنامي غير متواجد حالياً
كاتب ذهبي
 
تاريخ التسجيل: Mar 2011
المشاركات: 2,816
معدل تقييم المستوى: 10
نوح فايح الغنامي is on a distinguished road
افتراضي

قصه رجل فارس وقصائده ممتعه
نائف منيف احترامي وتقديري لك
رد مع اقتباس

  #3  
قديم 09-17-2011, 12:11 AM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي

نــــــــايف أشكرك على الاختيار الموفق تحياتي لك
رد مع اقتباس

  #4  
قديم 09-17-2011, 10:43 PM
الصورة الرمزية الخاص
الخاص الخاص غير متواجد حالياً
 
تاريخ التسجيل: May 2011
المشاركات: 267
معدل تقييم المستوى: 8
الخاص is on a distinguished road
افتراضي

قصه وكلمات غزليه رائعه
رد مع اقتباس

  #5  
قديم 09-18-2011, 12:29 AM
الصورة الرمزية نـايـف بـن منيـف الغنامي
نـايـف بـن منيـف الغنامي نـايـف بـن منيـف الغنامي غير متواجد حالياً
كاتب مبدع
 
تاريخ التسجيل: Jan 2010
المشاركات: 896
معدل تقييم المستوى: 9
نـايـف بـن منيـف الغنامي is on a distinguished road
افتراضي

المشاركة الأصلية كتبت بواسطة نوح فايح الغنامي



قصه رجل فارس وقصائده ممتعه
نائف منيف احترامي وتقديري لك











مــشرف كلما حضرت يابوفايح

أشكرك على مرورك وتعليقك
__________________
رد مع اقتباس

  #6  
قديم 09-18-2011, 12:32 AM
الصورة الرمزية نـايـف بـن منيـف الغنامي
نـايـف بـن منيـف الغنامي نـايـف بـن منيـف الغنامي غير متواجد حالياً
كاتب مبدع
 
تاريخ التسجيل: Jan 2010
المشاركات: 896
معدل تقييم المستوى: 9
نـايـف بـن منيـف الغنامي is on a distinguished road
افتراضي

المشاركة الأصلية كتبت بواسطة صقر روق



نــــــــايف أشكرك على الاختيار الموفق تحياتي لك









وأشكرك على التعليق المييز

صقر

الله يحفظك ويسعدك
__________________
رد مع اقتباس

  #7  
قديم 09-18-2011, 12:36 AM
الصورة الرمزية نـايـف بـن منيـف الغنامي
نـايـف بـن منيـف الغنامي نـايـف بـن منيـف الغنامي غير متواجد حالياً
كاتب مبدع
 
تاريخ التسجيل: Jan 2010
المشاركات: 896
معدل تقييم المستوى: 9
نـايـف بـن منيـف الغنامي is on a distinguished road
افتراضي

المشاركة الأصلية كتبت بواسطة الخاص



قصه وكلمات غزليه رائعه









وحــضور مشرف يا الخاص

والظاهر أن قلبك خضر

ههههههههههه

الخاص شاكر على مرورك والله يحفظك
__________________
رد مع اقتباس

  #8  
قديم 09-18-2011, 12:59 AM
الصورة الرمزية سموالذات
سموالذات سموالذات غير متواجد حالياً
كاتب ماسي
 
تاريخ التسجيل: Dec 2010
المشاركات: 8,017
معدل تقييم المستوى: 16
سموالذات is on a distinguished road
افتراضي

الله يعوضه بجنات الفردوس الاعلى ,
مشكور على القصه والقصائد يا نايف
احترامي لك ولتواجدك
__________________
قُل كُلٌّ يَعمَلُ عَلَى شَاكِلَتِهِ (قرآن كريم , الإسراء ايه 84)
رد مع اقتباس

  #9  
قديم 09-18-2011, 11:59 AM
الصورة الرمزية نـايـف بـن منيـف الغنامي
نـايـف بـن منيـف الغنامي نـايـف بـن منيـف الغنامي غير متواجد حالياً
كاتب مبدع
 
تاريخ التسجيل: Jan 2010
المشاركات: 896
معدل تقييم المستوى: 9
نـايـف بـن منيـف الغنامي is on a distinguished road
افتراضي

المشاركة الأصلية كتبت بواسطة سموالذات



الله يعوضه بجنات الفردوس الاعلى ,
مشكور على القصه والقصائد يا نايف
احترامي لك ولتواجدك


أشكرك سمو الذات على مـرورك المشرف وتعليقك

تقديري لـك يا سمو
__________________
رد مع اقتباس

  #10  
قديم 09-18-2011, 04:06 PM
الصورة الرمزية إياد الروقي
إياد الروقي إياد الروقي غير متواجد حالياً
كاتب ماسي
 
تاريخ التسجيل: Sep 2010
الدولة: الرياض
المشاركات: 9,635
معدل تقييم المستوى: 18
إياد الروقي is on a distinguished road
افتراضي

نايف منيف شكرا على ايراد القصة والقصيدة . دمت بهذا الابداع والتميز
__________________

رد مع اقتباس
إضافة رد

مواقع النشر (المفضلة)

المواضيع المتشابهه
الموضوع كاتب الموضوع المنتدى مشاركات آخر مشاركة
الهديـــــــــــــه واحكامهــــــــــــا سعدالغنامي منتدى الشيخ ((مبارك بن قطنان الغنامي)) الإسلامي. 4 11-02-2012 11:40 AM
من معجزات الرسول صلى الله عليه وسلم حر نجد منتدى الشيخ ((مبارك بن قطنان الغنامي)) الإسلامي. 8 06-08-2011 03:55 PM
نحن أعظم إيمان أم الصحابه..؟! سند القسم العام 11 05-31-2011 09:35 PM
حوار هام ينشر لأول مرة عكاظ مع الشيخ بن باز رحمه الله ساير الغنامي منتدى الشيخ ((مبارك بن قطنان الغنامي)) الإسلامي. 7 02-11-2011 12:00 AM
الوصف الكامل لرسول الله ( صلى الله عليه وسلم ) ذيب الغنانيم منتدى الشيخ ((مبارك بن قطنان الغنامي)) الإسلامي. 7 12-16-2008 10:21 PM

أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 08:57 PM


جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط