مرحبا بكم في منتدى قبيلة الغنانيم كلمة الإدارة


دواوين شعراء الغنانيم خاص بالدواوين لشعراء الغنانيم لكل شاعر له ديوان من قبيلة الغنانيم فقط

إضافة رد

  #31  
قديم 12-07-2011, 11:16 PM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي يــــتــــــبع

يا بنـت .. خلّـي قصيـدي لا تغنّينـه
ماهوب مقبول .. بأصـوات البنيّاتـي
صحيح صوتك على ما قيل .. يا زينـه
وله ميزةٍ فارقه عـن كـل الأصواتـي
البحّه الناعمـه مـن صلـب تكوينـه
لا قبلها راحت .. ولا بعدهـا جاتـي !
وأن كان يـا بنـت مجبـوره تجرّينـه
جرّي من أبيات غيري .. خليّ أبياتـي
يصعب على مثلك وشـرواك تلحينـه
صوتك رومانسي .. وأنا صلفه عباراتي
وش لازمـك يـوم بلسانـك تعدّينـه
يا قرب غاياتاك .. ويا بعـد غاياتـي
لو عاقل النـتّ مـا يربـط مجانينـه
زادوا عليـه المهـبّـل والهبيـلاتـي
روحي في حالك .. وحالي بينك وبينـه
خطوط .. وحدود .. وسدود ٍ منيعاتـي
خليّني أكتب عـن اللـي مـا تحبّينـه
وأمارس أغلى هوايه مـن هواياتـي !

"""""""""""""""""""""""""""""""""""""""""""""



والله ما أتابع شاعر المليونـي
ولا لي معه .. لا حسنه ولا سيّه
عاقبتنـي يـا نافـخ البالونـي
وأبلشتنـي بالنشـده اليوميّـه
تقول شفت الشاعـر المجنونـي
يوم أنقزت من عينه الجنيّـه ؟
وأقول شفت أنك على ما لونـي
لاهي .. ما بين الميّته والحيّه !
عندي عباره تشرح المضمونـي
وتناسبـك بالـوزن والقافـيّـه
( مافيه حيله ) مدفع الصهيوني
وأكبر دليل ( الصوره الرمزيّه )
""""""""""""""""""""""""""""""""""""""
شبعنا شعر .. مـن كـلّ الموايـد
وملّينـا مـن لـحـون القصـايـد


طفحنـا ليـن صحنـا مـن غثانـا
قنـوات .. ومجـلات .. وجـرايـد

يعيـش الشّعـر طفـره عالمـيّـه
تضخّـم ميـر مـا منـه فـوايـد

عدد جمهور شعـر العـام ناقـص
وعدد جمهور شعـر اليـوم زايـد

طلع له جيـل ثانـي غيـر جيلـه
جـديـد ولا يجـيـب إلاّ الجـدايـد

تهـزّ الـروس وتـمـدّ الأيــادي
وتكتب من خوى راس .. وخوى يد !

وعاثوا فيه قـوم أفـزع وصـوّت
وجاملنـي علـى كـثـر النقـايـد

ليـا شالتهـم رقـبـة الـزرافـه
يـا طيـب اللـي يلبسّهـا القلايـد

لو ان الشعـر لـه قـدر ومعـزّه
مع أهل المعرفـه وأهـل العوايـد

بعد مـا ضـاع عـزّه عزّتـي لـه
عسى ما عـاد يبقـا لـه شرايـد



""""""""""""""""""""""""""""""""""""""""""""

يا طيبك .. ويا كثر ملحك .. وزينـك
تجمّعـت فيـك الخصـال الحميـده


لاجيت أغنّي فيـك قمـت أستدينـك
آخذ من وصوفـك لبـدع القصيـده

ومن خوف تتبع جرّتـك مهتوينـك
ماودي أسهب بالوصـوف العديـده

ذوقك .. وتفكيرك .. ولطفك .. ولينك
كلّك علـى بعضـك عبـاره مفيـده

بالشكل والمضمون هايـم ضنينـك
القلب زاهـي .. والقوالـب فريـده

عـز الله انـي فالمحبّـه رهيـنـك
اللي مـا ودّه يطلـق الحـبّ قيـده

أسلم وسلّم لي على رمـش عينـك
وقلّه .. متى يسمح بفرصه سعيده ؟

الله يديـم الـودّ بيـنـي وبيـنـك
ومـن بيننـا تبقـا المحبّـه مديـده






"""""""""""""""""""""""""""""""""""""""""""""




ذعذعي وأسعفينا يا هبـوب البـراد
راحت الأرض من حرّ الهوا حاميـه
ليت ما لك مواسم من جماد لجمـاد
وأرضنا مشلهبّه .. والسماء ساميه
كيف ننعم ونسلم من عيون الجـراد
نزرع الخوخ وإلاّ نزرع الباميـه !
إحتباس الحراره وأزمـة الإقتصـاد
علة ٍ فـي نمـوّ الدولـه الناميـه
سعر برميل نفط المنطقه يـوم زاد
صبّوا النفط داخل حقـل الألغاميـه
التضخمّ وميثـاق الأمـم والجهـاد
الثلاثـه علينـا جـات مترامـيـه
الجروح الجديده ما عليهـا ضمـاد
والجـروح القديمـه كلّهـا داميـه
و قبّة البيت الأبيض مغتشيها السواد
مير سـوره كبيـر وقبّتـه زاميـه
يا الله أنّك لا تنصر عبد رب العبـاد
كان سلّط علينا عبد الأصناميـه !!






رد مع اقتباس

  #32  
قديم 12-07-2011, 11:22 PM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي يتــــــبع

ماجور يا صاحبي وتعيش
أضحك ولا تعقد حجاجـك

تدري لا ناديت بإسمك ليش
لأنّـي فقدتـك ومحتاجـك

لازلت أسوق الغلا بشويش
غالي ولا ودّي إزعاجـك



"""""""""""""""""""""""""""""""""""""""""""""""""" """"""""""""""

يا طول صبرك مير يا ضايق البـال
صبرك قضى .. والبال يا قوّ باسه

يشيل صبح وليل وحمولـه ثقـال
وينه و وين الفرفشـه والوناسـه

ما عاد لي واهس على بدع الأمثال
وأمر إعتزال الشّعر قيـد الدراسـه

يحط لـي معـدال وأحـط معـدال
وكل ٍ على الثانـي يمـدّ إلتماسـه

بالطّيب والمعروف من قلب رجّـال
معتوق والمعتـوق تلقـاه ناسـه

غنيّت لين أزريت في كل الأحـوال
رثاء و وجدان وغـرام وسياسـه

واليوم مالي قوم غير أشهب الـلال
كم دافع ٍ قـام يتلاشـى حماسـه

بيني وبين الشّعر مقطوع الإرسـال
عقب أمتلا بالشّيب .. راسي وراسه


.

"""""""""""""""""""""""""""""""""""""""""""""""""" """""""
يا اللّي تجرّ الحبـل .. والحبـل مفلـوت
أستـح علـى وجهـك وخلّـك حيـاوي
لحيتـك منتوفـه وشـاربـك محـتـوت
ودايم علـى الأسـواق سيلـك نحـاوي
من المارينا مـول .. لأجيـال .. للكـوت
ومن سوق شرق .. إليا الافينيوز ضاوي !
لا شـاري ٍ سلعـه ولا بـانـي بـيـوت
تكشـف غطـاوي لابسـات الغـطـاوي
الله يكافينـا الـبـلا وانــت سلـتـوت
والسّوق عامـر مـن جميـع البـلاوي
كم فيه سربوته .. وكـم فيـه سربـوت
خليـط دشـره .. مـا تجـي بالمنـاوي
حـراج للترقيـم لا تـرخـي الـصـوت
الصـوت جهـري بالـكـلام الـهـواوي
بسم الهوى المسكين .. شات الغلا شـوت
وعين الحمـامه مثـل عيـن النـداوي !
هذا علـى لكـزس وهـذا علـى حـوت
وأنسـب لهـم صنـدوق وارد عــراوي
ويمكن بعـد يضـوون للسـوق ببشـوت
وأطيبهـم اللـي جـاك بشتـه حسـاوي
قـزّ الشـوارع كلّهـا .. قـزّه المـوت
خبـل ٍ علشـان المـغـازل فــداوي !










"""""""""""""""""""""""""""""""""""""""""""""""""" ""

يا الزاير اللّي عزمت لشاتك الصوتـي
مانيب راعي ( لك أحلى مايك ) بالمرّه
شكراً .. ولو دعوتك ما تعمر بيوتـي
وإليا شكرتك لا عـاد تعـاود الكـرّه
دردش وفرفرش مدام الحبل مفلوتـي
وعيونك السود يا المقـرود محمـرّه
لو تزرع الـروّم بالرمّـان والتوتـي
روّادهـا بالهوايـل تصنـع الــذرّه
البنت متمّرده .. والرجـل سربوتـي
يفرّهـا مـع ظـلام الليـل وتفـرّه
تضحك على شاربه ويلوتهـا لوتـي
أمّا كشف سترها وإلاّ فضـح سـرّه
واللي على دربهم ماهـوب مبخوتـي
كثرت عليه العلوم وضاعـت الجـرّه
من يدخل الشات لو ينشات بالجوتـي
لا يطلب الناس حقّه والعرب حـرّه





"""""""""""""""""""""""""""""""""""""""""""""" ""
مالك عليّ حقوق ولا لي مشاريـه
الله يعـوض المعرفـه والصداقـه
علاقتي بك جات من غيـر تنبيـه
ويوم المنبّـه دق عفـت العلاقـه
أمسك مسارك وأعرف اللي تماشيه
ماني وانا سـداح قطّـاع ساقـه
مثلك ليا بانت وشانـت مواريـه
دليّت راسه تحت مـوس الحلاقـه
لاهو ولد عمّـي ولانـي بناخيـه
لاماه عندي خيـر منهـا فراقـه
مريض قلب ويا عسى الله يعافيـه
عنده على سـرد النمايـم لياقـه
ماسنجـر ٍ جابـه لعلّـه يوديـه
كثرت طروش النتّ داخل نطاقه !
قلبي يعرف اللـي يـودّه ويغليـه
يا اللي تتلّـه بالسلـوك الدقاقـه
ما كل وجه ٍ يبتسم يـوم أراعيـه
أضحك وأعدّه من وجيه الرفاقـه !





"""""""""""""""""""""""""""""""""""""""""""""""""" """""""


شبعنا من الحبّ و تعبنا مـن الأشـواق
وفاضت مشاعرنا غـرام ورومانسيّـه

نسامر بعض .. وإليا بدت حزّة الأشراق
رمينا الليـال السـود بأحـلام ورديّـه

بدينا شويّ شـويّ نستنـزف الأعمـاق
وحميـت علاقتنـا وصـارت حميميّـه

وشبنا وخلاّنا الهوى في تعب وإرهـاق
وفي عيني وعينك مـن الحـبّ ماريّـه

وقمنا على صفق الهوى ننثـر الأوراق
وحنـا نغـنّـي للـريـاح الشمالـيّـه

طوانا الهجير وحلّ عقب الهجيـر فـراق
ومات الوصـل وقلوبنـا بالغـلا حيّـه

تقولين يا ما أقسـى مزاجيّـة العشـاق
وأنا أكبر مزاجي .. وأنتي أكبر مزاجيّـه

بلاش المكابر قبـل لا ننقـض الميثـاق
من الذنب كل ٍ شـال خمسيـن بالميّـه

ذكرتك وأنا اللي من غرامك كسير الساق
أكابد جروحي .. مير روحـي رياضيّـه

لعلك بخيـر وسيـرة الحـبّ بالطقـاق
في درب الهوى الغلاب ما عاد لي نيّه !
رد مع اقتباس

  #33  
قديم 12-07-2011, 11:32 PM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي يــــتــــــــبع


مثواك بالهـمّ يـا بغـداد
وأنتي من الحزن مخلوقه
..
وقف لك الموت بالمرصاد
وغنّى لك الـدمّ طاروقـه
..
ماضيك في معصم الجلاد
اللي رحل عنك بحقوقـه
..
وحاضرك مابه علوم جداد
عنك التباشيـر مفهوقـه
..
عز الله انك بـلاد أمجـاد
وحضارتك غير مسبوقـه
..
لكنّ شعبك خليـط أجـواد
عاشت على الغشّ والبوقه
..
من تركمان وعرب وأكراد
وسلايل ٍ جـات ملحوقـه
..
بقلوبها تـزرع الاحقـاد
لو تنثر الشمـل وتحوقـه
..
مجاهدين ويبـون جهـاد
كل ٍ ودينه على ذوقـه !
..
و جارك يصوّت لهم بإمداد
بشّار أبو دقـن محلوقـه
..
حزام ناسف للإستشهـاد
للبيع معروض في سوقه
..
سيناريو المذبحـه ينعـاد
والمقبره ما لهـا طوقـه
..
سيادة الامن يـا الاسيـاد
من سدّة الحكم مسروقـه
..
والرافضي لو يسود بـلاد
عمامته عشعشت فوقه !




"""""""""""""""""""""""""""""""""""""""""""""" ""

يا الله دخيلك كلّ ما خيّم علينا الإنبساط
قامت دواليب الهموم تعكرّه وتشوحنا




مدري تخاط جروحنا ونطيب وإلاّ ما تخاط


شابت نواصينا ندوّر عن علاج جروحنا



متى يفكّ الياس كل الناس ويحلّ الرباط
على ترانيم الرجاء غنّت حمايم دوحنا



يا طيبنا طيباه في سرد الدوادي والخراط
ما غير نبني بالعلوم الزايفات صروحنا



أغلب سوالفنا خليط من التباهي والهياط
قمنا نصبّ الفلسفه من صمتنا في بوحنا



من البلاط نشيلها ونحطها على البلاط
ونثبّت المعلاق للأطباق فوق سطوحنا



وعلى سفينه نوح ناقشنا فتاوى الإختلاط
ومن حقنا هاذي سفينتنا .. وهذا نوحنا !



يا ربّ تهدينا الصراط اللي ما جاء مثله صراط
وأنت الغنّي المغتني عن ذمّنا ومدوحنا













"""""""""""""""""""""""""""""""""""""""""""""" """"



جتني عزيمة شات مـدري كيـف جـات
مذيّلـه بإسـم ( الشجـون المغتـرب )
..
وفي وسطها بعض الرمـوز المبهمـات
والبـاك بأوّلهـا .. وبآخرهـا بــرب
..
عنوانهـا مكتـوب مـن سكّـر نبـات
ومضمونها ماخـوذ مـن حـيّ الطـرب
..
أكبـر تجـمّـع للشـبـاب وللبـنـات
في شاتنـا اللـي تعرفـه كـلّ العـرب
..
يـا التافهيـن مسامريـن التافـهـات
لو يدخل الصالح فـي سمرتكـم خـرب
..
ماعندكـم غيـر العـلـوم الخايـبـات
هات القرب .. حطّ القرب .. شيل القرب !
..
ولكم .. وأحلى مايـك بيـن المايكـات
و من عاشر الجربـاء تعشّـاه الجـرب
..
أبليس لا أمسى الليـل سـاق الغاويـات
وشبـك لهـن محبالـة الشـرّ وهـرب
..
لـو يعرفّـن الباقـيـات الصالـحـات
ما أكل عليهن تالـي الليـل وشـرب !!
""""""""""""""""""""""""""""""""""""""""

أيه أنا أكبر فوضوي .. وأكبر مزاجي
والمزاجـي مـا يكـبّ الفوضـويّـه
لا تناقشنـي وأنـا عاقـد حجاجـي
صدّ عنـي وأتـرك الشرهـه عليّـه
لـي طبـوع ٍ مـا تغيّـر بالتناجـي
راسخـه لـو تعتبرهـا نرجسيّـه !
من ملامح وجهي أبديـت إحتجاجـي
آخذ من الصمـت توثيـق القضيّـه
أكتب بنظرات عينـي ويـش لاجـي
في ضميري .. بالحـروف الأبجديّـه
تحسب ّ أني غاوي ٍ ما أعرف خراجي
يـوم مـا أردّ الخطـيّـه بالخطـيّـه
قاسي وراسي حجر ماهـو زجاجـي
ما يهـاب مـن الريـاح الموسميّـه
يوم هبّـت وأزرت تثيـر إنزعاجـي
أستـدارت بالـسّـلام وبالتحـيّـه !
"""""""""""""""""""""""""""""""""""""""""""""" """



كظمت غيضي وأنا زعلان



عليك .. مدري على روحي


ما ودّي أشرّع البيبان
وأعاتبك وأنبش جروحي



قلبي تعوّد على الكتمان
ماهوب بأسراره يبوحي



لا عاد تنشد من الغلطان
غلطان انا .. وانت مسموحي



حقّك على قلبي الولهان
اللي لا ناداك ما توحي



أسقيتك من الغلا هتان
وقام الجفاء برقه يلوحي



أكرمتني والكريم معان
رح بلّغ طيوفك تروحي



خلّك على خانة النسيان
حجزت لك رقم يا روحي



أسلم وسلّم على الخلاّن
مالي ورا الحبّ مصلوحي !!











"""""""""""""""""""""""""""""""""""""""""""""""""" """

يا سيّد كبار رجال الأعمال
وشاهبندر السوق المحلّي

تناطح براسك روس الاموال
وسهمك بالأرباح متعلّي

عليك المدوح ألوان وأشكال
وتآخذ من المدح وتخلّي

لو أنك تمرجل منت رجّال
مراجلك كذبه مير يا اللّي

تسوق الدراهم سوق جمّال
ما تنفعك .. دامك ما تصّلي !
رد مع اقتباس

  #34  
قديم 12-07-2011, 11:36 PM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي يـــتــــــبع


"""""""""""""""""""""""""""""""""""""""""""""""""" """""""""""
بين الطيور الجارحـه والداجنـه فـرق ٍ كبيـر
ولـو تختلـف بأشكالهـا مـا تتفـق بألوانهـا
//
ماهو مجرد ذي تطير وذيـك مـا تقـدر تطيـر
قلوبهـا بأسلوبهـا تنبـض علـى جنحانـهـا
//
واللي تغرّد كل ما صفـوّا لهـا الحشـد الغفيـر
أعـرف مرابطهـا ورابطهـا يعـرف الحانهـا
//
بالفصل الأول تنتفض وتموت بالفصـل الاخيـر
النفضـه النفضـه وصاحبهـا يمـوت وزانهـا
//
ويحاك خام اكفانها من صوف مدري من حريـر
ماهوب انا في ذمة اللـي حـاك خـام اكفانهـا
//
ماتت بعد ما صوّتت عاش الملك ..عاش الاميـر
اثر البـلا فـي الكلمتيـن اللـي تسـمّ ابدانهـا
//
ماعاد عندي راي في اللي جاي وش ممكن يصير
ناس ٍ غياهـب جبّهـا فايـض بجهـد إيمانهـا
//
بالمختصر لا تبحث الموضوع يا الوجه السفيـر
والله ما حاس مسابقات الشّعر غيـر لجانهـا !




"""""""""""""""""""""""""""""""""""""""""""""""""" """""""""

ودّي أكتب في حور عينك قصيده
مير عينك لو تسلهم خفت منها

أنشدي سلهامها عن ما يريده
وعلّميني لين أردّ العلم عنها

ليه ينفضني وانا شاعر وليده
والقصيدة ما يكلّفني لحنها





"""""""""""""""""""""""""""""""""""""""""""""""""" "






من حقّي أهواك ومن حقّك تحبّيني
وش دخّل الناس في حقّك وفي حقّي ؟




خليّهم .. و حاصريني لا تخليّني
وأصبح بحبّك من العذّال متوقّي !







"""""""""""""""""""""""""""""""""""""""""""""" """"
الكرسمس عادة ٍ ماهيب منّا
ولا لقيناها في شرع المسلميني



مير يا اللي في شفاك الورد غنّا
حسب مفهوم المحبّه كرمسيني



وأن نشدتي وش تحبّ و وش تمنّا
قلت أحبّك .. وأتمنّى تمهليني



لين أخامس راحة الكفّ المحنّا
والعلوم الباقيه .. بينك وبيني !









"""""""""""""""""""""""""""""""""""""""""""""" """

طب طب على قلبي ترا قلبي سريع الارتباك


يخاف بسم الله عليه من الهوى لا هبّ له



حاول تهدّي روعته واحذر تشيله في يداك

يمكن لا شلته ينفجر .. مثل إنفجار القنبله



الله وكيلك .. كم جرا له من هذاك ومن هذاك

مير انتبه لا تنشده وش سوّوا الأحباب له !!



يا صاحبي لا تحبس أشواقك وعطني من غلاك

وأعطيك كلّ اللي ذخرته للسنين المقبله



خذ ما تبي من خبرتي بالحبّ والباقي فداك

وحافظ على اسرار المحبّه وأصدق العشق أنبله



قل لي أحبّك .. لين أشوف البرق يبرق من شفاك

وأقول أحبّك .. لين ينبت لك في صدري سنبله
"""""""""""""""""""""""""""""""""""""""""""""""""" """""""""""""""""""""""""""""""""""""""








أرجـع بحبّـي لــك .. مــن الـيـوم للـعـام
وراجــع علاقتـنـا .. مــن الـعـام لـلـيـوم


وسجّـل لـي أوضاعـك علـى مـرّ الأيـام
كــم يــوم ظالمـنـي وكــم يــوم مظـلـوم

لكـن بشـرط أنـك مـا تحكـم بـالأوهـام
حكّـم ضميـرك وأتــرك الكـبـر والــزوم

وإليا أكتشفـت أنّـك مـن الحـبّ منضـام
أنـا أكتشفـت أنّـي مـن الحـب محـروم

بـذلـت لــك جـهــدي ورزيّـــت الأعـــلام
ورفعـت مـقـدارك عــن أخـوانـك الـتـوم

مـن اليـمـن سـيّـرت لــك محـمـل الـشـام
وجلبـت لـك مـا تكنـز الفـرس و الــروم

والـيـوم طــارت بــك ذعـاذيـع الأنـسـام
وطحت متواسي لين عشعـش بـك البـوم

مارست فـي حقّـي مـن أنـواع الإجـرام
ورميـتـنـي لإرشـيــف الأيـــام مـهـمـوم

وأنـا مـعـك للصـالـح الـخـاص والـعـام
أشــدّ حيـلـي وأصـفـق الـقـوم بـالـقـوم

مـا عـاد لـي لازم فـي تفسيـر الأحــلام
خــلاص عيـنـي حـاربــت لـــذّة الـنــوم


"""""""""""""""""""""""""""""""""""""""""""""""""" """""""""""""""""""""""""""""""""""""""""""""" "


رد مع اقتباس

  #35  
قديم 12-07-2011, 11:56 PM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي وقفـــــــات

خـل بطنـي يـا طبيـب الباطنـيّـه
من كتـب لـي علّتـه عنـده دواهـا
أونـس بكبـدي حــراره داخلـيّـه
علّـم القولـون لا يبحـث خفـاهـا
أنت مـا قصّـرت والشرهـه عليّـه
النصحيـه مـا ألتزمـت بمحتـواهـا
قلـت لـي خـل اللحـم والشاذليّـه
ميـر هيّـن كـلّ نفـس ومشتهاهـا
جيتـك ألعـب باللحـون السامـريّـه
و وصفتك رحت أكتب بيوتي علاها !!



"""""""""""""""""""""""""""""""""""""""""""""""""" """""""""
روحي في حالك يا سموّ الأميره
عيّا سموّك .. لا يوافق سموّي
توّك على حمل المحبّه صغيـره
وأنا مع العشّاق مانيـب تـوّي
علّقت قلبي فوق شامة سميره
وشبيّت لعيون المحبيّن ضـوّي
ولا عاد أبي غير الحياه الستيره
يا كثر ما خرّبت بالحبّ جوّي !
"""""""""""""""""""""""""""""""""""""""""""""""""" """""""""""
هبّت الذكرى .. وعيّا يفتـح النسيـان ريعـه
قافل ٍ كل النوافذ من جنـوب ومـن شمالـي

كلّ ما فجّت ضلوعي .. ضاقت فجوج الوسيعه
وأبتديت أجمع لصدري ما بقا من وسع بالـي

أتوّجد يـوم صبـري قـدّم اللـي يستطيعـه
وأتذكّر وش كسبت من الغرام .. و وش غدالي

صاحب ٍ لو ذاع سريّ .. حالف ٍ سرّه ما أذيعه
حافظه والحافـظ الله مـن مقاديـر الليالـي

ربّع بقلبي وقفّـا .. بعـد مـا قفّـا ربيعـه
ما ترك به غير ذعذاع الهجير وعـرق بالـي

ذوّقه طعم الوصال .. وذوّقه طعـم القطيعـه
وللقطيعه طعم مرّ .. وللمواصل طعـم حالـي

راح ما قال الوداع وحطّ فـي عينـي وديعـه
زال زوله .. والوديعه وسط عينـي لا تزالـي

صورة ٍ بروازها من دقّـة القلـب السريعـه
يوم بروزهـا بقلبـي عيّـت تفـارق خيالـي

يا عسى ربّي يبيحه ويتجـاوز عـن صنيعـه
جاء وهو غالي عليّه .. وأستدار وراح غالي !

"""""""""""""""""""""""""""""""""""""""""""""""""" """"""""""""
يقول حبيب العازمي فــ سداااح




ان كان منت بشاعرٍ مثـل سـداح
ليا لقالـه بيـت شـارد سدحبـه

خذها نصيحه يابيض الوجه وارتاح
ترى صدور الناس بالصمت رحبه
"""""""""""""""""""""""""""""""""""""""""""""""""" """""""""""""""""""
"فـ.. السماء نجم صبح .. ونجم ليل
والكواكـب .. ثـلاثـه وأربـعـه

وأنت من بينهـم مـا لـك مثيـل
منـك كـلّ النـجـوم مقوبـعـه


طلّتك .. كـم تحـط وكـم تشيـل
سبّـبـت للـمـجـرّه زوبـعــه

أستمالـت معـك شمـس الأصيـل
و القمـر مـرّك وطـقّ أصبـعـه

سيـدّ الحـب مـا يخـدم بخـيـل
أخـدم الحـبّ وأخدمنـي مـعـه

ما دخلـت الهـوى عابـر سبيـل
عطني الضيق .. وأعطيـك السعـه

كلّ مـا سولـف الطـرف الكحيـل
أتـوحّـى لرمـشـه وأسمـعـه

ينبت الشوق فـي صـدري نخيـل
للمحبيّـن صــدري مـزرعـه !

يـا جميـل ٍ مـا سوّابـي جميـل
يربـط الوصـل يـوم ويقطـعـه

والله أن الـغـلا بـالـه طـويـل
وأن قصـر ينثـره مـن يجمعـه



"""""""""""""""""""""""""""""""""""""""""""""""""" """"""""""""""""""""""""""""""
يا فلان وش لازمي من قالت فلانه

هرج النساوين ما ني فيه ملزومـي

تقول .. غنّت لك من الشوق طربانه
وأقول .. مالي ومالك يا أم كلثومي

أستح على اللحيه اللي ما لها خانه
يا حيف يا شارب ٍ ماهوب محشومي

اللي عروض البشر في حلقه لبانـه
ما عنده إلاّ يعيد الجـدول اليومـي

مثله وشـرواه ودّك يبلـع لسانـه
من شان ما عاد خلف الغافله يومي

الأوّله .. صابته من بيـن حجّانـه
والثانيه .. عن علومه تكرم علومي
"""""""""""""""""""""""""""""""""""""""""""""""""" """""""""""""""
الله على الدنيا ومـا فيهـا يعيـن الصابريـن
خطّت علينا مـن نوادرهـا بـروس أقلامهـا

فيها العجايب والغرايب والمصايـب كـل حيـن
تـدرج رحاهـا مـع مـدار ليالهـا وأيامهـا

من دون صهيون وطوايف بن يسار وبن يمين
جـات العقوبـه للعروبـه مـن ورا حكامهـا

لو تجتمع مـا تتّفـق إلاّ علـى خفـيّ حنيـن
وحنين يضحك كل ما قامـت تـرفّ أعلامهـا

صاروا من أصحاب السعادة والفخامه مجرمين
ثلثيـن حكـام العـرب تسيّـدت بإجرامـهـا

وأقرب مثل من لا يشوف الناس غير بنص عين
اللي يقـود السلطـه المستضعفـه بخطامهـا

أطلق على نفسه مهيب وقايد النصـر المبيـن
والغرب قد داست وحاسـت هامتـه بأقدامهـا

ملك ملوك افريقيا .. وإمـام كـل المسلميـن
ما عاد باقي زومة ٍ بين العـرب مـا زامهـا

يطمر ويزمـر والعلـوم الخافيـه لازم تبيـن
وجهه مثل وجه العجوز اللي يا خبث أنسامهـا

ما عنده الا الشوشه المنفوشـه وقلبـه لعيـن
لو جمجمة راسـه كبيـره سمّهـا بعظامهـا

سبحان خلاقه بحلق الداب وخشم أبا الحصيـن
ما هو معمّـر والعروبـه حضرتـه هدامهـا

الريّس الليبي لو أنّه حاضـر ٍ غـزوة حنيـن
تلقـاه للكفـار ينـقـل خبـزهـا ويدامـهـا

مدام قادات العـرب فيهـم وجيـه مشعوذيـن
والله ما ألوم اللي يمنها قام يشتـم شامهـا !



""""""""""""""""""""""""""""""""""""""""""""

يطمر ويزمـر والعلـوم الخافيـه لازم تبيـن

وجهه مثل وجه العجوز اللي يا خبث أنسامهـا
ما عنده الا الشوشه المنفوشـه وقلبـه لعيـن
لو جمجمة راسـه كبيـره سمّهـا بعظامهـا
سبحان خلاقه بحلق الداب وخشم أبا الحصيـن
ما هو معمّـر والعروبـه حضرتـه هدامهـا
الريّس الليبي لو أنّه حاضـر ٍ غـزوة حنيـن
تلقـاه للكفـار ينـقـل خبـزهـا ويدامـهـا
مدام قادات العـرب فيهـم وجيـه مشعوذيـن


والله ما ألوم اللي يمنها قام يشتـم شامهـا !






""""""""""""""""""""""""""""""""""""""""""""""
أنا لي صاحب ٍ ماهوب وسط المعمعه طوّاش




لا شاف المعمعه زادت .. يجي ويروح بلحاله

( فديتك ) كلمة ٍ دايم يرددها بـدون نقـاش
كذا دايم على لسانه لا جيت أنشد عن أحواله

فداه البوم والخفـاش والكـذاب والغشـاش
أنا وشلون أبلقا له كلام ٍ عذب مـا قالـه !


"""""""""""""""""""""""""""""""""""""""""""""" """
ياسيّد الحبّ تذكرنـي وتنسانـي
كم قلت لك بالمحبه لا تجاملنـيالكلّ منا تعب قلبه مـن الثانـي
لاهنـت والله يجمّلـك ويجمّلنـيالفرق بيني وبينك توّ مـا بانـي
أنا أتحمّلك وأنتـه مـا تحمّلنـيمدري علامك عليّه صرت قوماني
باللطف أعاملك وبالقسوه تعاملني
"""""""""""""""""""""""""""""""""""""""""""""" """"

يا صاحبي هدّ روعك لا تحمّالـي

الصبر له نافذه ماهيـب مفتوحـه
أي والله أنّ المحبّه مالهـا والـي
كم من محبّ ٍ يجاهد روحه بروحه

أكرمتني لين ذقت المر والحالـي
ومنعتني عن محبّة كل مملوحـه

مسموحه الغلطة الأولى من الغالي
والغلطة الثانية ماهيب مسموحـه

أمّا أنت لاعاد تنشدني عن أحوالي

وألاّ حبيب ٍ جرحته عالج جروحه

""""""""""""""""""""""""""""""""""""""""""

عينك طواها السهاد و وثّق قيـوده

كتب عليها العذاب وجفّـت أقلامـه

لو تنشف دموعها ما هيب محسوده
ما يبتسم نونها والعيـن منضامـه
الحزن خيّم عليك وجاد من جـوده
ينثر في صدرك غثاه وينصب خيامه

باين عليك الشقا والضيق بشهوده
لو ترفضين الفرح منتي بمنلامـه

الفكر مشغول والأعصاب مشـدوده
حسبي على من رما قلبك بدوامـه

مشاعر الناس حسب النوع والجوده
وقلوبهـا بيـن بياعـه وسوامـه

من قال كل الدروب البيض مسدوده

قلبك وراه الشقا .. والخير قدّامـه


"""""""""""""""""""""""""""""""""""""""""""



أطلق سراح دموعك المحبوسه
لا تنحبس بعيونـك وتعميهـا
حسّاس دمع الخدّر المحسوسه
يسيل منها ويتجمّـع فيهـا !
ما للمدامع خطـة ٍ مدروسـه
جبها من أولّها وخـذ تاليهـا
الحزن يلعب بالفرح ويحوسـه
كم من عيون ٍ دايـم يبكيهـا
متى تبين البسمه المدسوسـه
وأزعل عيونك بالغلا وأرضيها


"""""""""""""""""""""""""""""""""""""""""""""""""" """"""""""""""""""""""""""""""""""

لا تطلبينـي كـلام ٍ فيـه حنـيّـه

أمثال ( لبيّه ) لا ناديتي و ( سمّي )

هاذي تراها عبـارات ٍ خصوصيّـه
وأنا ليـا قلتهـا خصيّتهـا لأمّـي

تكفيك كلمة ( هلا ) لا جات وديّـه
ولا قلتها لجل قلبـك يلتفـت يمّـي

صحيح مستهلكه لكـن ضروريّـه
وأنا أبخص بكلّ حرف ٍ ينطقه فمّي !

"""""""""""""""""""""""""""""""""""""""""""""" """"
يا صاحبي ما قويت أنسـاك
حتى ولـو فقـدك أعيانـي
غلاك مـا يحتمـل فرقـاك
أن رحت وأن جيت تلقانـي
أزعل وأشيل الهوى لرضاك
وأقـول يـا سيـد خلاّنـي
لو تفتح بخاطـري شبـاك
تشوف وتعرف وش جانـي
( عوّدت عيني على رؤياك )

ولا تعـوّدت تنسـانـي !!

"""""""""""""""""""""""""""""""""""""""""""""""""" """""""""""
شبعنا من الحبّ و تعبنا مـن الأشـواق
وفاضت مشاعرنا غـرام ورومانسيّـه

نسامر بعض .. وإليا بدت حزّة الأشراق
رمينا الليـال السـود بأحـلام ورديّـه

بدينا شويّ شـويّ نستنـزف الأعمـاق
وحميـت علاقتنـا وصـارت حميميّـه

وشبنا وخلاّنا الهوى في تعب وإرهـاق
وفي عيني وعينك مـن الحـبّ ماريّـه

وقمنا على صفق الهوى ننثـر الأوراق
وحنـا نغـنّـي للـريـاح الشمالـيّـه

طوانا الهجير وحلّ عقب الهجيـر فـراق
ومات الوصـل وقلوبنـا بالغـلا حيّـه

تقولين يا ما أقسـى مزاجيّـة العشـاق
وأنا أكبر مزاجي .. وأنتي أكبر مزاجيّـه

بلاش المكابر قبـل لا ننقـض الميثـاق
من الذنب كل ٍ شـال خمسيـن بالميّـه

ذكرتك وأنا اللي من غرامك كسير الساق
أكابد جروحي .. مير روحـي رياضيّـه

لعلك بخيـر وسيـرة الحـبّ بالطقـاق
في درب الهوى الغلاب ما عاد لي نيّه !


















رد مع اقتباس

  #36  
قديم 12-07-2011, 11:59 PM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي يــــــتـــــــبع

رد مع اقتباس

  #37  
قديم 12-08-2011, 12:01 AM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي يتبع

رد مع اقتباس

  #38  
قديم 12-08-2011, 12:03 AM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي صور رمزيه بقصايد لسداح










مشاعر العبـد حساسـه
..................لكنّ مـا توخـذ حقوقـه

يصوّخ بجمجمـة راسـه
....................لين العصى تنكسر فوقه !




















يا طيب خيّال الدلافين طيبـاه
.............عز الله انه فارس ٍ ينغرابـه

يشدّها بيسراه .. ويمدّ يمنـاه
..........ويغوص معها ما يبلل ثيابه !!
















الكلب عوّد يسوق حمـار
..............في دارنـا ويتمشـا بـه


من خوف نطلق عليه النار
.............لا مرّنـا فـوق دبـابـه























سحابة القلب عيّـت لا تهـلّ الغـرام
والشمس من خلفها .. والظلّ من دونها


تنظر لها العاشقيـن بنظـرة الإحتـرام
اللي تبيّـن مشاعرهـا مـن عيونهـا


لوّ أنّها تبرق وترعد غـلا يـا سـلام
لاعاد تنشد عن أرض الحبّ وشلونها !







رد مع اقتباس

  #39  
قديم 12-08-2011, 12:07 AM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي صور رمزيه بقصايد سداح تعبر






تلف ّ من صبح وتـدور

.................. وتثـور قــدّام و ورا

فيك التغطرس والغرور
................. تنفخ وعينك وش تـرا

وقّف على راسك يا ثور
............... وأدفن قرونـك بالثـرا













مهموم وأعصابه من الوقت مشتـدّه
من حرّ قلبه .. دخل كلّـه بثلاجـه

ملصّـق ٍ علبة الببسـي علـى خـدّه
يفوح صدره لهيـب ونـار وهّاجـه

يقول عنده سبب لا رحم أبـو جـدّه
وأقول فسقان .. ما عنده ولا حاجه !


























يا الأثرم الكبـد منغثّـه
........................وأنت ابتسامتك مخبوصه


من شان ما نجرح اللثّه
....................... نعطيك فرشاه مخصوصه
















يا حلوها حلواه مع شقة النور
صوره وفيها للمعلّم علامه

بين السماء والأرض تحليقة طيور
سرب ٍ ثلاثي يرسم الإبتسامه !




...








حتيش يا اللي على الدبـاب منحاشـي
.......................وثبه .. ومغطة ظهر .. وتروح مع يدها


هل تعلم أني يا وحشي .. وحش خماشي
......................أختل وحوش الصحـاري وأتصيدهـا !














عنـدي عليـك ملاحظـه .......... غيـر اللقافـه والغـبـاء


دايـم وعينـك جاحـظـه .......... .ترمش ولا ادري وش تبا !!

















الزين ما هو لمعـة ٍ برّاقـه
ولا تصنعه قلايـد وتيجانـي



لا والله إلاّ خالقـه خـلاّقـه
ما هو كذا بسم الله الرحمانـي



طفرة بدو والله يعيـن الناقـه
كم تشتكي من طفرة البدواني !

















لا تنشدين عن الزمـان الأوّلـي ......... خليّ نزيـف جروحنـا بأعماقنـا


تبسّمـي .. لعـلّ همّـك ينجلـي......... مات الهوى مير البقـا بأشواقنـا


قولي لصناّع الجواهـر والحلـي ......... لو ما زنطنا .. ما تطول أعناقنا !!















غلطة في لحضة غضب ماهيب مقصوده
الكمبيوتـر لعـب بقلـوب عشـاقـه



يخلّـي أعصـاب خلـق الله مشـدوده
لو شاشته ناعمـه وسلوكـه دقاقـه




كم عاشق ٍ جاد بإسم الحبّ من جـوده
يعزف لحون الغـرام وينثـر أشواقـه




وإليا شبك والحبيبـه غيـر موجـوده
جهازه من القهر طشّه مـن الطاقـه !






...










جاكم الموت خلوّا عنكم الإبتسـام ............ كان ما الله رحمكم صايره صايـره


خلوّا اللي وراكم وأنظروا للأمـام .............. نكبة الطايره من كابتـن الطايـره


مير يا اللي تصوّر لحضة الأصطدام ..............أحذف الكامره وأنقز مـن الثايـره


رد مع اقتباس

  #40  
قديم 12-08-2011, 12:10 AM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي صور رمزيه بقصايد سداح تعبر










اترك القبو واظهر للحيـاة







وازهم النور يآخذك بيـده







الرجاء فاتح ٍ باب النجـاه





انفض الياس عنك وقيّـده







ابتسـم لا تـزيـد الآه آه





يمضي العمر والموت ابعده














\




حرّك و ودّ الحصان ولا تجيب الحصان
ما عاد للحصن قدر وهيبه ومرتبه


لكن عندي سؤال و يا الله المستعان
وشلون دفيّته من الباب للمرتبه ؟














خلّوني أجلس على الشباك


..................






الباب مقفـول قدامـي !







أطلق عيوني هنا وهنـاك


................






وأتابع أحـداث الأيامـي







يا وقت جعل الكلام فـداك


................






والعمر لو طال ما دامـي







يمكن بعد تزرع الأشـواك


..............






صمتي يحققّ لي أحلامي !



























يا عصفور من له حيلة ٍ فالضماء يحتال







تفنّـن تـرا عنـدك حركـات فنـيّـه







تعلّقت يوم أنك ما ترضى هلاك الحـال





ودخّلت بوزك وسـط بـوز الحنفيّـه !
























بغيب في رحلة استجمام وسياحـه





...................واقول يا دمعة المهموم ملحوقـه






خلوّني ارتاح كم لي فاقد الراحـه




.................




أضحك وأنا عبرتي بالصدر مخنوقه



















الطب في آخر الأزمـان

....................تنشد الناس وشلونه



هذا نموذج طبيب اسنان

.....................حركات مجنونـه



لا جاه من يشتكي لاهان

................بدريله يعالج سنونـه !



















هاذي هي اللي ماهـي بمرغوبـه







................يا ليت مـن روّج لهـا يحرقهـا








اجـل مسـوّي قفـل للزنوبـه







..............لستك بخمس ريال من يسرقها ..!!



























آخر روقان لـو الجيـب فقـران

..............من نظرته تعرف اللي في ضميره



هادي وقانع برزقه كيف ما كان

..................بين اليديـن الغنيّـه والفقيـره



لا أصبح عربانته في كل ميـدان

............ولا أمسى عربانته تصبح سريره !





,,










الحبّ هدوّا جـداره وأنهـدم سـوره





..............كل ٍ يسجلّ عنـاه وجرحـه الدامـي






شاهد بعينك ترا ما تكـذب الصـوره





...............كلام بالحايط المذنـوب مترامـي !!






حبيبنا اللي ينادي العنـز يـا نـوره





............ماهي غريبة ينادي التيس يا سامي !!




















إبداع الاقدام في تشكيل الاقدام

...............يعطيك نبذه عن الروس الذهينه



تقول ورده ومحترقه من العام

................من الهبايب تغشاها السكينه !
__________________
منجّين الدخيل ليا زبنا
اذا فرضت عليه المعجزات

زبنّا من تحيط به المنايا
وربعه حاكمينه بالممات

ثنى طايل طويل الباع دونه
وربعه معه عدمين الصفات

الاد غنام في حدب الهنادى
وفي علط الرماح القاتلات

ابن نافه يبا ينجي دخيله
بشلفا توصل الدم اللهات

تلوذبنا مقطعة العواني
ليا جات العلوم اخذٍ واهات

وترفع عنهم السطوه يدانا
بشلفٍ يشبعن الجايعات

فعل عمي وابويه وابن عمي
نقول العلم والعلم الثبات


للشاعر الكبير /فلاج بن عبدالله بن دخيل الله بن طايل بن نافه

التعديل الأخير تم بواسطة برق الشمال ; 12-10-2011 الساعة 11:26 PM
رد مع اقتباس
إضافة رد

مواقع النشر (المفضلة)

المواضيع المتشابهه
الموضوع كاتب الموضوع المنتدى مشاركات آخر مشاركة
صقر النصافي الصريـح منتدى الشعر والقصص الشعبية 6 02-08-2013 02:08 PM
الشاعر العملاق في سيرة بسيطة في جريدة اليوم سعود بن منيف بن نافه منتدى تاريخ وديار قبيلة الغنانيم. 10 02-14-2012 12:16 AM
الشاعر ملفي المورقي للعبيكان: الدين ما فيه الحياء والمجامل الصاعق منتدى الشعر والقصص الشعبية 3 09-18-2011 04:38 PM

أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 01:03 PM


جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط