التحالف العربي  آخر رد: الشاعر سلطان براك الغنامي    <::>    اللهم ارحم عبدك عناد  آخر رد: الشاعر سلطان براك الغنامي    <::>    من افضل الشيلات  آخر رد: غنام الغنام الروقي    <::>    كلمات شاعر  آخر رد: غنام الغنام الروقي    <::>    كلمات شاعر  آخر رد: غنام الغنام الروقي    <::>    أداء مشعل الروقي  آخر رد: غنام الغنام الروقي    <::>    شيله جديده  آخر رد: غنام الغنام الروقي    <::>    شاعر. غني عن التعريف  آخر رد: غنام الغنام الروقي    <::>    يشبه وضحاً  آخر رد: غنام الغنام الروقي    <::>    يشبه وضحاً  آخر رد: غنام الغنام الروقي    <::>   
 
التميز خلال 24 ساعة
العضو المميز الموضوع المميز المشرف المميز المشرفة المميزه
قريبا
بقلم :
قريبا قريبا
مرحبا بكم في منتدى قبيلة الغنانيم كلمة الإدارة


دواوين شعراء الغنانيم خاص بالدواوين لشعراء الغنانيم لكل شاعر له ديوان من قبيلة الغنانيم فقط

إضافة رد
قديم 04-25-2012, 12:07 AM   رقم المشاركة : 31
الكاتب

كرّوم بن عيد

الصورة الرمزية كرّوم بن عيد

كرّوم بن عيد is on a distinguished road

كرّوم بن عيد غير متواجد حالياً


الملف الشخصي








كرّوم بن عيد غير متواجد حالياً


افتراضي

 


اللي يعرف العلم لله دره = وليا تعرضلك عما القلب يعميك
العلم ضايع فالعمى لو تبره = قلبه عمى لو ان اذانيه توحيك

مقتطفة من احدى قصائد جدي كرّوم بن عبد الله بن عاذي

عام 1417 هـ

 

 


آخر مواضيعي 0 ملحمة الغنانيم للشاعر الكبير/ كريم بن عبد الله بن عاذي الغنامي
0 مســاكم الله بالخير..
0 تركي بن حميد في فــرسه
0 عـــدســتـــي
0 كـــريم و كــروم
0 الديـــوان الـ خ ـــآص
التوقيع :
أبدوين تارك الدنياء على مجراها...
رد مع اقتباس
قديم 04-25-2012, 12:17 AM   رقم المشاركة : 32
الكاتب

كرّوم بن عيد

الصورة الرمزية كرّوم بن عيد

كرّوم بن عيد is on a distinguished road

كرّوم بن عيد غير متواجد حالياً


الملف الشخصي








كرّوم بن عيد غير متواجد حالياً


افتراضي

 


ابا الحصيّن تحصله بالمذاري = والذيب يجري يصبح الصبح مانام
يقطع جراديح الخلا والصحاري = رزقه على محص الليالي والايام
لا تاخذ الدنيا هجوس وطواري = ماضيع الي قدمنا غير الاوهام
لو النصايح بين بايع وشاري = شريتها لو راقد القلب ماقام

كذالك لجدي/ كرّوم بن عبد الله بن عاذي

 

 


آخر مواضيعي 0 عـــدســتـــي
0 تركي بن حميد في فــرسه
0 الديـــوان الـ خ ـــآص
0 ملحمة الغنانيم للشاعر الكبير/ كريم بن عبد الله بن عاذي الغنامي
0 مســاكم الله بالخير..
0 كـــريم و كــروم
التوقيع :
أبدوين تارك الدنياء على مجراها...
رد مع اقتباس
قديم 05-02-2012, 04:55 AM   رقم المشاركة : 33
الكاتب

كرّوم بن عيد

الصورة الرمزية كرّوم بن عيد

كرّوم بن عيد is on a distinguished road

كرّوم بن عيد غير متواجد حالياً


الملف الشخصي








كرّوم بن عيد غير متواجد حالياً


افتراضي

 

عام 1425 باع ابوي بعض البل حول 10 يبي يصفي المنقيه
عاد تسن العواده اخذوا في خطرهم وقال عمي كريّم هالابيات..

( يطيع النصيحه )


لو كل من ينصح يطيع النصيحه = ماماج عن درب الرياجيل مخلوق
الشايب الي ماقعدله منيحه = راحت نياقه عمد ماهوب مسروق
وضحٍ لها فالوضح ميزه وليحه = تعرف بشهرتها ليا عدة النوق
رثم الخشوم ام الخدود السميحه = حول عليها القوس واستاقها سوق
والثانيه شيلة بونش الذبيحه = ربططة قوايمها ورميت بصندوق
وبعد فعول مدورين المديحه = عينه تعاف النوم والقلب محروق
ويصبر لون الكبد منها جريحه = والصبر زين وكل مطرود ملحوق
تعب عليها فالسنين الشحيحه = ورعابهن الخزاما وزملوق
وعقب الرغاه الي تحتها السريحه = يطبخ له الراعي عصيده ومرقوق
ولولا العلوم الي بعدها فضيحه = والله ليرمي دونها كل معلوق
والله وبأذن الله ليذبح نطيحه = ان كانها سلمت يمينه من العوق


كريم بن عبد الله بن عاذي
7/1425هــ

رد ابوي على عمي

( متيه الوضحا )


العود يالشاعر عسى الله يبيحه = حقه ترا عندي على الراس من فوق
والرجل ندري وش يبا من نضيحه = نعرف ترى المقصود من غير منطوق
والوضح لولا حاجتلي لحيحه = مابعتها لو يدفع الطاق مطبوق
لاشك حق الناس مانستبيحه = ولاعمرنا عشنا على الغدر والبوق
اخذ الحقيقه والعلوم الصريحه = ولا ترى الطالات قسمات واوفوق
والخير واجد يالوجيه الفليحه = واجد بنات الهرش مافيهن فروق
يازينهن لاجت عصيرن مشيحه = والوانها تفقع كما لون غرنوق
وباقي ترا خمسين ليله صحيحه = وتشوف ردم المزن ورعود وبروق
وان صدق الوسمي وبكر مطيحه = هي منوة الشايب ترا ياولد روق
اليا اختلط عشبه ورمثه وشيحه = وغير الخزاما والنفل فيه رقروق
يجيك ابو نواف تسمع فحيحه = متيه الوضحا بطراف ساحوق

عــيــد بن كـــرّوم

7/1425 هـ

وسلامتكم

 

 


آخر مواضيعي 0 تركي بن حميد في فــرسه
0 كـــريم و كــروم
0 عـــدســتـــي
0 الديـــوان الـ خ ـــآص
0 ملحمة الغنانيم للشاعر الكبير/ كريم بن عبد الله بن عاذي الغنامي
0 مســاكم الله بالخير..
التوقيع :
أبدوين تارك الدنياء على مجراها...
رد مع اقتباس
قديم 09-04-2012, 04:37 PM   رقم المشاركة : 34
الكاتب

كرّوم بن عيد

الصورة الرمزية كرّوم بن عيد

كرّوم بن عيد is on a distinguished road

كرّوم بن عيد غير متواجد حالياً


الملف الشخصي








كرّوم بن عيد غير متواجد حالياً


افتراضي

 

حول الايام هذي ولكن قبل 18 عاماً كانت هذهِ القصيدة..



القيض راح وجاك وقت البرادي = وقامت تذعذع من شمال النسانيس
غلق حساب القيض علمٍ وكادي = ونجم السويبع شيف قبل الغطاليس
اقفن ليال وجن ليالٍ جدادي = تجددن من عقب ماهن مراميس
واليا أعلن المقناص صحف وروادي = تولموا يا كاسبين النواميس
ويابو سعود الصبر عدا وزادي = فكوا عن اللي تسعة أشهر محابيس
نبا ليا غطا البياض السوادي = نسري ليا نامت عيون الهداريس
خطوا الهبيل الي ضعيفٍ ربادي = ماقط هد فروخها والقرانيس
متمددٍ كنه جضيع الوسادي = في مرقده تدوي عليه الخنافيس
واليته الي مثل ظبي الحمادي = تنهمره وتقول مابك حواسيس
قم هات خبز وهات عشره زبادي = عجل علانا يابعيد المناطيس
وقحص يخمع طار عنه الرقادي = قد مرست قلبه من الذل تمريس
يهاجم الخباز كنه مفادي = يداحم الورعان راسه دلاسيس
واشتال باغاته وجاها يرادي = جعله يرادي وسط قصر المحابيس
ولانصبح الا في ديارٍ بعادي = فوق الجيوب ولانهاب التغاريس
وزان المضحى للوجيه البوادي = ونادوا بفنجالٍ يداو المعاميس
ودار الكلام وصار فيها عنادي = وكلٍ يقول فعول طيري بلا قيس
وقاموا بصارومٍ سريع الهدادي = لحاق ماياخذ علاها مراويس
مخالبه مثل الرماح الحدادي = دوام من دم الحباري معابيس
اما ضربها نطح بين الثنادي = ولا صرم نصف الضلوع المقاويس
ويازين هده في خطاه الرهادي = في ماقعٍ قفرٍ من الناس ماديس
بكر علاه اوسم بقران حادي = لان الزهر غطا خشوم الطعاميس
وعز الله ان الصيد غايه مرادي = لو اتركه كثرة على الهواجيس
حبه يعادل حب قطم التوادي = رثم الخشوم ونابيات النسانيس
وياوالي القدره عليك اعتمادي = مدك ولامد الوجيه المفاليس
عطاك مايشبه عطايا زهادي = ولا دون بابك واحدٍ يربط الكيس
وختامها صلوا على خير هادي = على نبيٍ درس الحق تدريس

كرّوم بن عبد الله بن عاذي الغنامي


1415هــ

 

 


آخر مواضيعي 0 مســاكم الله بالخير..
0 عـــدســتـــي
0 كـــريم و كــروم
0 تركي بن حميد في فــرسه
0 الديـــوان الـ خ ـــآص
0 ملحمة الغنانيم للشاعر الكبير/ كريم بن عبد الله بن عاذي الغنامي
التوقيع :
أبدوين تارك الدنياء على مجراها...
رد مع اقتباس
إضافة رد

مواقع النشر (المفضلة)


أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
Ads Organizer 3.0.3 by Analytics - Distance Education
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط 

شات ، شات صوتي ، دردشة صوتية ، شات الشلة