مرحبا بكم في منتدى قبيلة الغنانيم كلمة الإدارة


دواوين شعراء الغنانيم خاص بالدواوين لشعراء الغنانيم لكل شاعر له ديوان من قبيلة الغنانيم فقط

إضافة رد

  #1  
قديم 12-05-2011, 11:33 PM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي ديــــوان الشاعر /ســـداح الغــنـــامي العــــتيـــبي

بسم الله الرحمن الرحيم
اليوم أقدم لكم ديوان الشاعر الكبير العملاق شاعر الحدث ودكتور الشعر هو الشـــــــاعر /

سداح الغنامي العتيبي



أستمع لي والشعر مثل الوداعه =
يحتميها راعي العقل اللبيبي



وأن سمعت اللي يطيب ألك أستماعه =
قول صح لسان سداح العتيبي





هو شاعر يالفطره يعتبر من أفضل شعراء الحداثه في هذا الوقت
ويجيد السهل الممتنع .
يختفي عن الإعلام
له ديواوين في الأسواق
ديوانه الأول هو (جناب الود)


ديوانه الثاني هو (أقرب جهاز)
ديوانه الثالث هو حي صوتك


وأتركم مع بدايه الديوان ونرجو الاعضاء عدم الرد الى حين آكتمال الديوان كــامل لمده أسبوع لكتماله:

""""""""""""""""""""""""""""""""""""
من أشهر قصائده (بنت المطر)


الـريـح هـبّـت يــا جـنـاح الفـراشـه ***

تمـتّـد وألأّ تكـمـشـك هـبّــة الـريــح
بـيـن إمـتـداده طرقـتـك وإنكـمـاشـه ***
وروحك يسحبّها السحاب المراويـح
من بـارق الوسمـي يسـدّك رشاشـه ***
وبنت المطر تنثر لـك الفـلّ والشيـح
لا ذعـذع الغـربـي تجـيـك إنتعـاشـه ***
وصفـق الشمـال يعرضّـك للتبـاريـح
جالـي وقـارشـك الـزمـان إنقـراشـه ***
جرحك كبر وأصبحت سيد المجاريح
تبكـي وتشكـي ظلـم بـاشـه ل بـاشه ***
وأنـا تضحكنـي .. دمـوع التماسيـح
سويّـت لـك مكتـب ولجـنـة إعـاشـه ***
وجمعت رزقك من وجيـه المشافيـح
الهـم طـاوي فـوق صــدرك فـراشـه ***
أسحب رشاك وفاخت البيـر ياميتـح
مـا ودّنــا كـسـر العـظـام الهشـاشـه ***
قـدام نقطـع دابــرك حــاول تصـيـح
اللي ظهر له صيـت والطيـب حاشـه ***
الزيـر سالـم .. والعطـاوي شليويـح
وألاّ أنت .. راسن ما ندوّر عراشـه ***
تآقف على روس المراقيـب وتطيـح
مجملّـه .. ميـر أمرحـي يــا قمـاشـه ***
صحيح وضع الفن محتـاج تصحيـح
المشكلـه ماهـيـب كـرسـي وشـاشـه ***
المشكلـه .. فــاره ولـوحـة مفاتـيـح








(الطير)





يامسافـره مــع جـنـاح الطـيـر***

حسبي علـى الطيـر مـن هـدّه
.ضـفّـك جنـاحـه وعـيّـن خـيـر ***
وحـبــال الأشــــواق مـمـتــدّه
يابـنـت .. مــا للسـفـر تبـريـر***
خــص ٍ لـيــا طـالــت الـمــدّه
انـتــي تقـولـيـن جـــدّه غـيــر ***
وانتـي بعـد غيـر عـن جـدّه ؟
جيتـي بحـرهـا وجــاك مغـيـر ***
مشـتـال مـوجــه عـلــى يـــدّه
الـمــوج ودّه يـضـمّـك مــيــر***
الـــبــــحــــر .. ودّه ولا ودّه
يـانـفـحـة الـشـيــح والـنـويّــر ***
ســـداح بـــاح الـجـفــا ســــدّه
وش خـانـة الشـعـر والتعبـيـر***
أبـنــي لـــك الـبـيـت وأهـــدّه
دايم وطيفك ضحـى واعصيـر ***
يــشـــنّ هـجــمــات مــرتـــدّه
واليا عرض لي عكست السير***
وسيلّـت دمعـي علـى خــدّه ‍ !
اليـاس يقضـى عـلـى التفكـيـر***
وافــزع ورا الصـبـر وارتــدّه
وانــــادي الـحـلــم للـتـفـسـيـر***
ولازلـت .. ولا زالـت الـشـدّه
.من يـوم كنتـي وكنـت صغيـر***
نضحـك علـى العـمـر ونـعـدّه
والـيـا حـصـل بينـنـا تقصـيـر ***
نـصـدّ .. ولا تبـطـي الـصـدّه
ليـن ابـتـدا الشـيـب والتوقـيـر***
وعـلاقـتــي مــعــك مـشـتــدّه
محبّـه .. وحشـمـه .. وتقـديـر***
ويـضـدنـا الــحــظ ونــضــدّه
منـتـي عـلـى مـوجـة التغيـيـر***
يـابـنــت الأجــــواد مـحــتــدّه
ويـا اللـي تقوليـن جــدّه غـيـر ***
انـتـي بـعـد غـيـر عــن جــدّه







(آخر فضيحة)

سبحان من نعبده لرضاه ونجلــه
نلوذ في رحمته عن سطوة وعوده


لاضقت ما قلت بإسمي قلت بسم الله
الخالق اللي تجود الخلق من جوده


أرفع يدي وأطلبه خاضع من الذلـه
كفرت في ملحده وآمنت بوجوده


أسترسلت وأرسلت ما صابني كلـه
القلب في مقتلب .. والكبد ملهوده


الشك والريب بين الطب والعلـه
وعواقب أيامنا ماهيب محموده


سياسة أربع حبال وصابها خلـه
حبلين محلوله .. وحبلين معقوده


لاهنت يا اللي تعقد الحبل وتحلـه
المجتهد ضاع قبل يضيع مجهوده !


وأكثر قلوب العرب من بعضها مغلـه
كل على عين جاره يقدح زنوده


والنـــار ما تنطفي والدار محتلــه
وقانون حرب التحالف خالف بنوده


يازارع التين .. لا جاد الثمر خلــه
غصن يضد الهبايب ينكسر عوده


يا كثر ما دون التاريخ من زلـه
لو ما انكشف قصدها ماهيب مقصوده


وآخر فضيحه رماها رامي الجلـه
اللي بحكم الخيانه فتـل عضوده


(الشعوذه) منهجه و (الشرذمه) دلـه
طالت يدينه وراحت تصفق خدوده


معمــر الشر مالـــه مذهب وملـه
وإليا نفض شوشته نقصه مثل زوده


يا مهيب مالك ومال اللي ضفا ظلـه
عليك مير الجمايل معك مجحوده


لا تنفــخ الراس والأفكار منحلــه
لعبتك مكشوفه وطرقتك مقروده


الكذب أمامك وخلفك وأنت في حلـه
والقبر محفور لك والنار موقوده


منته بكفو لها .. تغتال عبداللــه
والله لتبطي وعين الشر مسدوده



















__________________
منجّين الدخيل ليا زبنا
اذا فرضت عليه المعجزات

زبنّا من تحيط به المنايا
وربعه حاكمينه بالممات

ثنى طايل طويل الباع دونه
وربعه معه عدمين الصفات

الاد غنام في حدب الهنادى
وفي علط الرماح القاتلات

ابن نافه يبا ينجي دخيله
بشلفا توصل الدم اللهات

تلوذبنا مقطعة العواني
ليا جات العلوم اخذٍ واهات

وترفع عنهم السطوه يدانا
بشلفٍ يشبعن الجايعات

فعل عمي وابويه وابن عمي
نقول العلم والعلم الثبات


للشاعر الكبير /فلاج بن عبدالله بن دخيل الله بن طايل بن نافه
رد مع اقتباس

  #2  
قديم 12-05-2011, 11:39 PM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي يـــــتبـــــع

(حزام الأمان)

ضيـق الله صدرك يا وسيع البطان
ضيــعتك الروابــــع فــي دواليبها


كل ما دولبت بك من مكان لمكان
غابت الشمس وأرضك عاوي ذيبها


خيـم الياس فوقك وأمتحنك إمتحان
الهقاوي تغــرك لا تماري بها


ما بقا غير حاجه بعد فات الأوان
مير لا طق جولك .. ودها جيبها


شلت حمل البعير ورحت سبق الحصان
واعذاب الحمــول اللي تزوزي بها


الليالي تدور و لا عليها ضمـــان
قل سواة الله أبرك وش تسوي بها


وكلمة الحق بين الحنجره واللسان
ناشبه كل ما حاولت تبدي بها


يا عبيد البشوت وسادة البرلمان
لعـبوا أهل المناصب في مناصيبها


للعرب مستشار وللعجـم ترجمان
لو نمر الكنيسه ما نصلي بها


شابت رموش عيني يا الله المستعان
ودي أبعد نظرها مير واشيبها


والله اني ما أعرف الشمع والشمعدان
أعرف النار ما تومن مشاهيبها


اه يا كثر خوفي من حـزام الأمــان
يوم حزم ضلوعي قام يومي بها


زبدة العلم الأبيض ول يا آخر زمان
قص كم الحقيقه وأنفرا جيبها


يستبيح الشجيع ويستريح الجبان
ويشمط اللحيه الشمطا بأشانيبها






مطاليق الوجيه

يـــا مطـالـيـق الـوجـيـه الـحــر تكـفـيـه الأشـــاره

والأشــــاره والــعــه والــحــر مــغـــروم بـغـريـمــه

//

أسمي اللي تعرفونه بين الأسمـاء المستعـاره

ما أستعرته غير في نهج الدروب المستقيمه

//
كـل مـا جيـت أكشفـه وأرتـاح صليـت إستخـاره

قلـت خيـره وأستعـذت مـن الشياطيـن الرجيمـه
__________________
منجّين الدخيل ليا زبنا
اذا فرضت عليه المعجزات

زبنّا من تحيط به المنايا
وربعه حاكمينه بالممات

ثنى طايل طويل الباع دونه
وربعه معه عدمين الصفات

الاد غنام في حدب الهنادى
وفي علط الرماح القاتلات

ابن نافه يبا ينجي دخيله
بشلفا توصل الدم اللهات

تلوذبنا مقطعة العواني
ليا جات العلوم اخذٍ واهات

وترفع عنهم السطوه يدانا
بشلفٍ يشبعن الجايعات

فعل عمي وابويه وابن عمي
نقول العلم والعلم الثبات


للشاعر الكبير /فلاج بن عبدالله بن دخيل الله بن طايل بن نافه
رد مع اقتباس

  #3  
قديم 12-05-2011, 11:49 PM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي يـــــتــــــبــــــــع

(جناب الود)


ليــن جناب الود يا ليـن العود
وألطف وأساليب المحبـه عديده

خل القسـا لاهب تستاقه النود
وأحذر بعد ما ساقتـه تستعيده

بإسم الوفا والحب والطيب والجود
الصح عيده والخطــا لا تعيده

عليك حل الحبل والحبل معقود
تعقــدت روس الحبال الجويده

وراك ساكت والسما بروق ورعود
والليل موحش والهبايب شديده

مدري حداك الصمت وأصبحت محدود
وألا أن صوتك فيه نبره جديده

تنقل كلام شفـاك بعيونك الســود
وفي كل نظره منك .. جمله مفيده

كم قلت لك مأمون والسد مسدود
والشك زايل والهقاوي بعيده

خوفي من اهل الرقص والنقص والزود
وبثـي يا إذاعه وأنشري يا جريده ‍

قلبي لهد كبدي وعبرت ملهود
وأنته حجر قلبك وكبدك حديده ؟

خليتني فـ الشعر حاوي ومردود
وعلـــقتني في باب بيت القصيده

وأزريت أغني فيك يا باشة الخود
مما بدالي .. ما بقا لي شريده

جوارحي لرضاك مقتادها قــود
تقول حاكمني بشرع وعقيده
لاشك حكم العشق ماعنه منشود
وحكومة العشــاق ماهي رشيده

أنت اعتبر ما صار ماهوب مقصــود
وأنا أعتبر ما صار فرصه سعيده

"""""""""""""""""""""""""""""""""""""""""""""" ""


أعذروني عـن غيـاب زلتـه مدموحـه
وأسمحوا لي لين أراجع سيرتـي وسجلـي


غبـت كلـي والدوافـع كلهـا مشروحـه
أفتحوا كشف الغياب وسجلونـي كلـي


هكذا طعـم المحبـه .. حلـوه ومملوحـه
وهكذا الفرقا مملـه .. والوصـال مسلـي


العلم مرفوع يـا اللـي ترفعـون اللوحـه
الشحيـح يصـد عنـي والكريـم يهـلـي


دام باقي فـي ضميـري نافـذه مفتوحـه
عبرها ينفذ شعـوري ليـن يبـرد غلـي


قلبي المجروح مـدري كبـدي المجروحـه
جر عمرك يا النسم بيـن الضلـوع وقلـي


دمعتي تبحث خفـاي وضحكتـي مذبوحـه
هينـه والصبـر طبعـي والقناعـه دلـي


ما بقا للشعر واهس والهجـوس تشوحـه
بين منقود الرفيق وبيـن شرهـة خلـي !


أنقرض نسل القصيد وراح راحـت روحـه
وأكثـر الشعـار ولـت والزمـان مولـي



يفزع الطحطـوح وألا تفـزع الطحطوحـه
الدعـاوي حطهـا وأشتالـهـا بامجـلـي


كل ما هـب النسيـم أستنزلـت منفوحـه
والعليـا يـا ماشـاء الله حظهـا متعلـي


طاوله وأربع كراسي وأمسيـه وأصبوحـه
والله الله .. مير حلي يـا حـلاوه حلـي !

"""""""""""""""""""""""""""""""""""""""""""""

(كبود الرجال)

يا وسع صدري مير صدري لا ومره الله يضيق
حــزم ضلوعه وأظهر اللي راكنه فـ أركونها


واللي ما يظهرها الزفير .. يتلها تل الشهيق
لابد مع جر النسم ما ينكشف مكنونها


صابر وأنا بين الرجا والياس والجرح العميق
. ما تنومن شهب الليال إليا تغير لونها


يوم أحتمى الميقاف وجا للغيض فيض ونشف ريق
. وقامت تجر المخطيه بين العباد لحونها


خليتني يا حادي ركابي على حيد الطريق
والمعرفه هانت وشانت واختلف قانونها


ناتج علاقتنا على ماقيل علمن ما يليق
بضاعة بادت قبل لا ينفتش كرتونها


منته بـ أخوي من الرضاع ولاني أخوك الشقيق
واللي تحطك سدها بكره تجي من دونها !


غيـبت من بعض العلوم الحامضه وأزريت أفيق
ما يذبح كبود الرجال ألا وساع طعونها


أختار فـ الثنتين .. وأنته لا عدو ولا صديق
والأولـــه يا صعبها .. والثانيه ياهونها

وأعرف ترا ما الله محمـل عبده بما لايطيق
والناس حسب حظوظها وفوقها وظنونها


شكرك على جنحانك إليا طرت يالحر الطليق
لو يمـك فروخ النعام مبحلقات عيونها


أول علومي كنت أجر الصوت للغصن الوريق
وآخر علومي بشروا ليلى عقل مجنونها ؟
رد مع اقتباس

  #4  
قديم 12-05-2011, 11:57 PM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي يــــتـــبـــــــــع

(خامس أحبابي)


القلب في سوق الهوى لجلك يغيـض ويمتلـي
ماهوب راع مساومـه أمـا أشتـره وإلا بعـه
يوم الشعور مداوله .. وش قلت لك وش قلت لي
راجع حديث العاطفـه وأقتـص دربـه وأتبعـه
وألا بلاش أنسى مافات ومات .. وأسمع ما يلي
لا تترك الملتاع واقف لك على راس أصبعـه !
لا تكسر شداد الجمل .. لين آكل لسـان الطلـي
وإليا نهض حظي وحظك شق صـدري وأجبعـه
من قال لك ( ما الحـب الآ للحبيـب الأولـي )
يا خامس أحبابي معك نسيـت حـب الأربعـه !
أضحك معي .. وأضحك معك لكن لا تضحك علي
طبعـي علشانـك تعبـت أعوبلـه وأطوبـعـه
شتتني وأنـا عليـك .. أميـح ميحـات الدلـي
ودخلتني فـالزوبعه وأنا مـا أعـرف الزوبعـه
وغنيت لك قافين والمعنى علـى وجـه جلـي
أختر حداها وأحفظه وأفتـح ضلوعـك وأطبعـه
أقولها .. وأن مـا تلقيتـك .. تلقيـت الخلـي
يا منبع الحـب الحقيقـي علنـي مـن منبعـه

"""""""""""""""""""""""""""""""""""""""""""""""""" """""""""""

نجاح المساعيد ومعمر القذافي



( البـقـا لــك يــا زعـيـم الـثـوره الليبـيّـه )
، يا المهيب المستهيـب الوافـي المستافـي


.
أبدعـت بنـت الـحـلال وصـاغـت القافـيّـه
، وأبتسـم حضـرة جنـاب معـمّـر القـذافـي



.
سلهـمـت والعـيـن فيـهـا خـلـطـة ٍ سـريّــه
بين رمش ٍ مستفيق وبيـن رمـش ٍ غافـي


.
يا ماشاء الله يا نجـاح الساحـه الشعبيّـه
تمدحـيـن وترزحـيـن ولا علـيـك إخـلافـي


.
والقـصـيـده لـــو نـقــول بيـوتـهـا قـطـيّـه
كثـرّ الله خيـر قــوم ٍ يبـدعـون القـافـي !


.
راســك المـعـصـوب والـدرّاعــه الـعـاريّـه
، هكـذا مـا تقتضيـه المصلحـه يــا كـافـي


.
تجمعـيـن مــن الخلـيـج العـمـلـه النـقـديّـه
دوّري لـك ف المحيـط الأطلسـي صرافـي


.
قدّمي ( دانات ) وأنتي ف البحـر حوريّـه
وكـل دانـه مــن يديـنـك لونـهـا شفـافـي


.
كـبّــروك وصـــوّروك بـمـحـزم وجـنـبـيّـه
وأستلمتي ورث أبونا والسنيـن عجافـي


.
مــا بـقـا الا تعـتـزيـن وتنطـحـيـن الـهـيّـه
كـل بـادي ليـل رجلـك تبـدي المشرافـي


.
لـو مـا حققتـي جميـع أحلامـك الـورديّـه
الـوكـاد أنــك سنافـيّـه وبـنـت سـنـافـي


.
الله الله .. واحـلـيــل الـشـاشــه الـفـضـيّـه
، ما بقا فـي عرضهـا شـي ٍ علينـا خافـي


.
يـا معمـرّ مــن يضيـفـك .. ضافـتـه جنـيّـه
والله أنـك لا تضيـف ونقـص ماتنضـافـي


.
لعنـبـو شـعـر ٍ تعـرفـه يــا زقـيـم الـحـيّـه
الأديــب الـلـي سـواتـك منطـقـه ينعـافـي


.
من كبر راسـك مـا تلبـس غتـره وطاقيّـه
تنفـض الشوشـه وحظّـك طيّـب ومتعافـي


.
تحكـم الشعـب المعنّـا بيـن شمـس وفيّـه
وتحسب أنك ف المواقف تحكم الميقافي


.
مـن ثـلاث عقـود حسـب السـيـره الذاتـيّـه
بارد ٍ وجهـك ورابـض ف المـراح الدافـي


.
يـــا الله أنّـــك لا تسجـلّـهـا عـلـيّـه سـيّــه
مير مدري كيف يحكم كاهن وعرّافي ؟


.
لا قضيـتـي مــن زعـيـم الـثــوره الليـبـيّـه
أستضيفي يا نجـاح .. محمـد الصحّافـي
"""""""""""""""""""""""""""""""""""""""""""""""""" """""""""""""""





رد مع اقتباس

  #5  
قديم 12-06-2011, 12:03 AM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي يـــــــــتـــــــبــــــــع

يا طير عقب البطا هاك اللحـن غنّـه
ضاعت عليك اللحون اللـي تغنيّهـا


غرّد بصوتك على اللّي ما ضحك سنّه
ودوبك على نون عينـه لا تبكيّهـا


لو أن شعر النّبط ما يدخـل الجنّـه
الكلمـه الطّيبـه طابـت معانيـهـا


المنطقه والعه .. والنـاس منجنّـه
والأرض بأحداثها فيها ومـا فيهـا


واللي قضـا دورة الأقـدار قاضنّـه
وروحه على مايشاء ربّه يقاضيهـا


مانيب ويّاه لـوّ أنّـه .. ولـوّ أنّـه
روايتـه بيـن كاتبهـا وقاريـهـا


من ظن فينا المصيبه ما كذب ظنّـه
كثرت علينا الطوايف كيف نحصيهـا


الفرس قامت تحدّ السّيـف وتسنّـه
فزّت عيال الخمينـي مـن مفاليهـا


قوم العمايـم علينـا جـات مستنّـه
تومي علي ملّـة محمـد بأذانيهـا


بإسم العراق الموحّد تقـرع الشنّـه
والغرب يرقص وحاميهـا حراميهـا


لو مقتدى الصدر صدره دقّه ودنّـه
الملّه الخايبـه مـن حـظّ راعيهـا


و الرافضي لحيته من هيلـه وبنّـه
يكّدها أبليـس .. وامريكـا تحنيّهـا


وطهران تدعو لخوض الحرب وتشنّه
خلف الكواليس مكشوفـه مراميهـا


يا بوش ماعاد لك عند العـرب منّـه
سرّح جيوشـك وراك ولا تضويّهـا


والمالكـي لا تـردّون الخبـر عنّـه
عميل لـه وقفـة ٍ بانـت مواريهـا


قام يتفنن وبـان الشـرّ مـن فنّـه
حاكم وكلّ الحكومـه تبّـت يديهـا


الدار منهـوب والمنصـوب يعننّـه
منحـاز والعنصريّـه مـا يدانيهـا


وأزرت تشيل الجنايز حملـة الدنّـه
فاضت من أخواننا السنّه عراويهـا


عسى سهـوم المنايـا مـا يخلنّـه
تصيبه وجنّـة الفـردوس يخطيهـا


تكفون لا ننشغـل والخيـل منعنّـه
الوقفـه الثابتـه هـاذي حراويهـا


الله يعزّ الصفـوف وينصـر السنّـه
ويدمّر الرافضه عـن بكـرة أبيهـا

"""""""""""""""""""""""""""""""""""""""""""""""""" """""""""""""


علّموا مسؤل تحرير الصحيفه
لا يحررّ غير الأخبار الجدادي


لو يسجّلها على زلّ وقطيفه
المهمّ يدوّن العلم الوكادي

الجرايد توجس من الوضع خيفه
والقنوات الفضائية تنادي

من يعدّي بالمراقيب المنيفه
الهوايم شافها في كل وادي

عاشوا الثوار والثوره كليفه
والمنامه وضعها ماهوب عادي

الروافض في بلاد أبن خليفه
واقفه بين الفتيله والزنادي

كل منهم غاسل ٍ وجهه بليفه
يدفعه من شرق ذعذاع البرادي

يقطع الشارع بساطوره وسيفه
ويضرب القانون في عرض المبادي

يدّعي بالحق والباطل رديفه
ملّته مالت لترويع العبادي

الخوارج عن مذاهبنا النظيفه
مالهم في ديننا غير الجهادي

الذريعه عندهم بيت و وظيفه
والحقيقه واضحه والنور بادي

عابثين ولو نواياهم شريفه
كان طاعوا من دعاهم للرشادي

آية الله يوم شكلّهم بكيفه
الخميني تحتزم به للثنادي !!

أسحبوا جنسيّة النجس وحليفه
وأرسلوا جنسيّته لأحمد نجادي

ما يسود الأمن والسلطه ضعيفه
العمايم كبّرت روس الأعادي
"""""""""""""""""""""""""""""""""


يا القذافي كيف الحال
وجهك لونه عنابي !

القصف الجوي شغال
وانته شغال تبابي

تزمر بالهرج البطال
يا المعتوه الكذابي

وشلون نعدّك رجال
بين العجايز رابي

متقلّد بشت وسلسال
ولا فوقك غير الكابي

اليوم بموكب تختال
وبكره تسرح كعاّبي

البس قميص وبنطال
ما ينفعك الجلبابي

وأجحر عن نتل النتّال
بين العقرب والدابي

ما تحكم غير الانذال
يازيزوم الأذنابي !




رد مع اقتباس

  #6  
قديم 12-06-2011, 12:09 AM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي يــــــــتـــــبــــــــع

قالت : (أكتب شعر) في الحسن المثير
وانت شاعر طيّب وفيك ابركه
..
قلت: شقّ الجيب هذا ما يصير
مسلمه يا بنت والا مشركه ؟
..
قالت : الموضوع يا سداح غير
أعتبرني رسمة ٍ متحركه !
..
مير عندي شرط يا الوجه السفير
لا تجيب القافيه مستهلكه
..
وفرّعت والله على خلقه بصير
وأنفخت في علكها اللي تعلكه
..
قلت : بسم الله وهاك من الأخير
ما هقيت الشين غيرك تمكله
..
ملتوي خشمك تقل منقار طير
وجاحره عينك تقل عين سمكه !
..
وفمك من وسعه عبوس ٍ قمطرير
والثنايا طول برج المملكه !
..
واستدارت تندب الحظ الكسير
وقصدها عيّا قصيدي يدركه
..
يستر الله حالها بنت الامير
روّحت كفّ الندامه تفركه !!




"""""""""""""""""""""""""""""""""""""""""""""""""" """""""""""""""

أنتهى فصل الشتاء وأبتدا فصل الربيع
يا الهبوب الدافيه هبّي .. وغنيّ معي
.
ودّي آخذ من تناهيد صدري ما أستطيع
وانتي أخذي رعشة البرد من بين اضلعي
.
المشاعر جامده .. والغلا باله وسيع
والجوارح جاهزه للطواف وللسعي
.
والفراغ العاطفي علّة الرجل الشجيع
والكرامه تمنعه لا يحبّ ابلا وعي !
.
مسمعي ما يرتخي غير للسدّ المنيع
وين ابلقى صوت هادي يداعب مسمعي
.
ليت قلبي لا اشترا سلعته يقدر يبيع
لجل في سوق الهوى ما يضيّع موقعي !!

"""""""""""""""""""""""""""""

عليك الغلا منساب .. يا أمّ الحلا والزين
جمال العذارى بإسمك .. حزامه وتاجه
..
وزينك طبيعي بالمساحيق وش تبغين
ما يحتاج .. للمكياج منتي بمحتاجه
..
كريم الأساس وحمرة الفم وكحل العين
ترا اللي مصنّعها ما يعنيك بإنتاجه
..
خلقك الولي فتنه ومن تحتها خطيّن
يا كثر البنات الليّ عطيتيهن الصاجه !
..
تحيّرت في وصفك وفكّرت أجيك منين
وخفت الحسود يمرّك ويعقد حجاجه
..
نزيهة جناب ولا تسولف بك الواشين
ولا أنتي في سوق القيل والقال دوّاجه
..
أحبك وقلبي ما عطاك المحبّه لين
وقفتي على بابه ورحتي بمزلاجه
..
أدسّ المشاعر عنك وانتي بها تدرين
ومن دونك الدنيا ما تسوى ولا حاجه



"""""""""""""""""""""""""""""""""""""""""

يا قلب قلبي وروح الروح
ويا شفّ نفسي ومطلوبي
/
يا الغالي الحالي المملوح
عـلـّم مزاياك .. بعيوبي !
/
دخلت في صدري المفتوح
وأمسيت وأصبحت محبوبي
/
عينك بسرّ الغرام تبوح
تحكي لا لدّيتها صوبي
/
تنوب عن صوتك المبحوح
وأنا معك صمتي ينوبي
/
مير البلا رمشها ذابوح
يجبرني أغيّر اسلوبي !!











رد مع اقتباس

  #7  
قديم 12-06-2011, 12:13 AM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي يــــــتــــــــبـــــــــع

بشّر يا بشار عن درعه واهل درعه
ودمشق .. واللاذقيّه .. والزبداني
.
قالوا لي أنّ الشوام الحمر منصرعه
ماهو كلامي .. كلام فلان وفلاني !
.
يا قايد البعث .. حزبك خارب ٍ شرعه
قصر الرياسه يبي له قايد ٍ ثاني
.
الشعب بكره عليك يزوّد الجرعه
ويعلّمك عن شروط حقوق الإنساني
.
اربط حزام الامان وخفف السرعه
وأكل المطبّه وصوّت للمريكاني
.
قادات الأمّه على ما قيل بالقرعه
بالدور قامت تطيح وحكمها فاني !




"""""""""""""""""""""""""""""""""""""""""""""""""" """""""""""""""

لا فتحت الكمبيوتر .. قفلت التيلفون
يثّر الأوّل على الثاني بتقنيّته
/
التطوّر يسحب العاقل بحبل الجنون
والضمير الحي ما ينشده عن نيّته
/
دوّروا لي ركن هادي بعيد عن الركون
وأتركوني بين شمس القصيد وفيّته
/
كل طرق ٍ حلّ وأحتلّ هاجوسي يمون
سلّم الطاري عليه ولحوني حيّته
/
بين مرقاب المواهب ومرقاب الفنون
يحكم الشعبي على الشاعر وشعبيّته
/
يا شواعير النبط يا عساكم تسلمون
القصايد عايشه والمشاعر ميّته
/
علّموا من قال سداح مدري من يكون
قاف سداح العتيبي مثل شخصيّته
/
صلف في كل التفاصيل لو قلبي حنون
مير ما ترهم طبوعي على حنيّته
/
يا قصيرين الايادي كبيرين البطون
من كسرت ايديّته لا يمدّ إيديّته !



"""""""""""""""""""""""""""""""""""""""""""""""""" """"""""""""""""""
يا حنان .. المعذره ماني بناقص حنان
شكـرا ً .. وحنيّتـك وفّريهـا كلّهـا
...
عن مجال العشق قلبي مقفّل من زمان
ومن تحاول تفتحته لو تروح أحسن لّها
...
العلاقات القديمه على عشـر وثمـان
والعلاقات الجديده مـا يصلـح دلّهـا
...
للعيون السود عندي شهادة ترجمـان
كل نظره ترسل ألغازها .. وأحلّهـا !
...
وأنتي بنظرات عينك وعود الخيـزران
كنّك تقوليـن هـلّ الخوافـي هلّهـا
...
محتزم يا بنت الأجواد بحـزام الأمـان

والقلوب الهايمه عايشـه فـي غلّهـا



"""""""""""""""""""""""""""""""""""""""""""""""""" """""""""""""""
ما نداني نظرة العين الكريمه
ولا تعوّدنا نذرّ الكحل فيها
..
وأنت يا اللي ترمش بدقة قديمه
غمّض عيونك وسلّم لي عليها
..
تلتوي بين العلاقات الحميمه
والقلوب البيض تلعن والديها
..
تجمع الغيبه وتسري بالنميمه
وكل سيره تعترض لك تقتفيها
..
معتريك النقص وعلومك عقيمه
والمراجل لا تبيك .. ولا تبيها
..
آدمي ٍ فيك من طبع البهيمه
والبهيمه بالدراهم نشتريها
رد مع اقتباس

  #8  
قديم 12-06-2011, 12:21 AM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي يــــــتـــــــبــــــــــع

خلّ السياسه تستعدّ وتستريح وتستدير
يا موجز الأخبار سلّم لي على تفصيلها
،
مانيب يمّ اللّي حصل واللّي بعد يمكن يصير
جوارحي مشغوله بمنتوقة ٍ تومي لها
،
الجادل اللي تلّني لعيونها سلك الحرير
قامت محاجرها تحاصرني وتسرج خيلها
،
أفرد لها صدري وأقلّـطها على الضلع القصير
حطيتها بين الضلوع ولا قدرت أشيلها
،
الله خلقها عن بنات الجيل فيها طبع غير
والطبع خلاّها بعيني فارقه عن جيلها
،
بالشكل والمضمون فازت ربّة الحسن المثير
واللي تنافسها على عرش الحلا يا حليلها !
،
أحبّها .. والحبّ مستكبر وأنا قلبي كبير
يمنعني أحكي عن غرابيل الهوى وأشكيلها
،
أخشى عليها من زمان ٍ فيه شرّ وفيه خير
وأخاف منها بين عدلات الليال وميلها
،
إليا عرض لي طيفها خبيّت مكنون الضمير
وغمضّت عيني ثم نطقت بهمس .. يا حبيّ لها


"""""""""""""""""""""""""""""""""""""""""""""""""" """"""""""""""""
ما قدرت أنساك يا الحبّ القديم
لا أختليت بوحدتي تطري علي
^
أتوغّل في تفاصيلك وأهيم
مع حكايات الحبيب الأوّلي
^
ذكرياته لو يذبّن الخريم
عوّدن يملن ّ تفكيري ملي
^
صورته لا هب ذعذاع النسيم
حلـّت بعيني وعيـّت تنجلي
^
لا يزال الحب في صدري مقيم
والجفاء القاسي يغيض ويمتلي
^
لا ذكرته قلت والله العظيم
ما يعوضه لا شبيه ولا حلي
^
من يقول أنّ العذارى سيم سيم
أشهد أنّه سالي وقلبه خلي
^
أنصح اللي ما عرف عشق الحريم
ينتبه في حبّهن لا يبتلي !


"""""""""""""""""""""""""""""""""""""""""""""""""" """"""""""""

الهجوم المفاجىء

يا اللي ترد العلم وترزّ الأعلام

سولف وأمانه لا تعكرّ مزاجي

//
قليّ علامك ليه وأقول منضام

والضيم علّه ما نفعها العلاجي
//

تقول لاجمني عن علومي لجام

ومن عقدة لساني تعقّد حجاجي

//
تجمّعت في صدري وراحت أقسام

وأزريت أمدّ الشوف وأعرف خراجي

//
مغير أغنيّ مع ذعاذيع الأنسام

وأعلن على صفق الهبوب إحتجاجي

//
شاعر ولا أدري كيف حطمّت الأرقام

ومعناي في بعض البيوت إزدواجي

//
ثبتّ تاجي فوق راسي من العام

وأخاف أهزّ الراس .. ويطيح تاجي

//
آخذ من أحداث الزمن مصدر إلهام

مرجوج .. وأحداثه تزيد إرتجاجي

//
وكسبت معلومه على مرّ الأيام

بين السياسه والنجاسه تناجي

//
يزمر علينا بوش ويصيح صدام

يا الله تكافي شرهم يا مناجي

//
لعبه خبيثه .. مالها شرع وأحكام

تضيق منها واسعات الفجاجي

//
مصالحن مابين بايع وسوام

منتوجها جلب العرب للحراجي

//
صفارة إنذار .. وطواري وكماّم

وخطـّـه لـ تطويق البلد بـ الملاجي

//
نصب حقل النفط في حقل الإلغام

ونفتح منافذ فـ الشريط السياجي

//
ونمشي خلاف ونظرة العين قدام

من خوف يلحقنا الهجوم المفاجي

//
ونستورد من الهند والسند خدام

ومن العراقيين .. مليون لاجي

//
وبكره تبثّ العلم شاشات الأعلام

طار الحمام .. وبيضّن الدجاجي



"""""""""""""""""""""""""""""""""""""""""""""""""" """""""""""""""""


يا حبيبي ليه تزعل يـوم أعاتـب وأتشـرّه
هدّ روعك .. والعتب ملح العلاقات الحميمـه
أسمح لقلبي وخلّـه يشتكـي منـك المضـرّه
لا تغانم خاطري بالضيق يـا مـال الغنيمـه
أيه أحبّـك والمحبّـه مـع جنابـك مستمـرّه
ولا يعكّر صفوها غيـر التمـادي بالظليمـه
تفرض الغيره عليك أحكامها فـي كـل مـرّه
وتعزف الريبه لحنهـا واللحـن دقّّـه قديمـه
لا تزعزعك الهقـاوي والحقيقـه مستقـرّه
لو يحوم الشك فوقك ما بقـى للحـبّ قيمـه
يوم قلت الشـوق جايـر قلـت لـي لله درّه
خله بقلبـك يزيـد وياعسـى ربـي يديمـه
قلت طيب هاك حبّك .. وأكفني خيره وشـرّه
وأستدرت تسوق غيضك كنّي مسوّي جريمه !
رد مع اقتباس

  #9  
قديم 12-06-2011, 12:24 AM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي يـــتــــبـــع

الشوق للحبّ .. ولاّعـه
يقدح على الحبّ ويشبّـه
وقلوب الأحباب طمّاعـه
كم قلب مشفوح في حبّـه
وقلبي ما يحتاج سماعـه
نبضه تقل ضرب مرزبّه !
يا صاحبي تعرف أطباعه
على النقاء خالقـه ربّـه
ليه الغلا تلـوي ذراعـه
لا تكسره وأنت تلعب بّـه
عطني وعد يشفي أوجاعها
لمنتظر .. شوفتك طبّـه
لو تلدغه عقرب الساعه
يموت والعقرب السبّـه !



"""""""""""""""""""""""""""""""""""""""""""""""""" """""""""""""

دفشه وبأسلوب التصرف عنيفـه
والعنف دايـم مرتبـط بالدفاشـه
نشدت عنك وقالوا إسمك لطيفـه
والواجب اسمك يا لطيفه .. قماشه
تقمّشي يـا أم العلـوم الظريفـه
لا تشغلين الحرّ وأنتـي فراشـه
الله بلانـي فـي زميلـة وظيفـه
ليت الموظف يغتني عن معاشه !





"""""""""""""""""""""""""""""""""""""""""""""""""" """"""""""""""
يـــــا عـبــيــد مــالـــي فـالـتـمـشّـي طـمــاعــه ** وأقـــــدام رجــلـــي يــــــا الـبـنــاخــي جـــريّـــه
عــن شــارع الكورنـيـش عـنــدي مـنـاعـه ** لــــــو الــبــحــر فــــــي ســاحــلـــه جــاذبــيّـــه
أنـــــــا قــــنــــوع وعــــايــــش ٍ بـالـقــنــاعــه ** لــيـــت الــتــطــوّر يـلـتــفــت لــــــي شـــويّـــه
شــبــاب .. مــيــر مـشـيّـبـات ٍ طـبــاعــه ** مــــــــدري عــلــيــهــا الــــلــــوم وإلاّ عــلـــيّـــه
لو ( ماكدونالز ) ترضى عليه الجماعه ** وســـتــــار بــــوكــــس يــــقــــدّم الــشــاذلــيّــه
أقــول لـــك يـــا عـبـيـد سـمــع ٍ وطـاعــه ** وآخـــــذ مــعـــك ســجّـــه وروحــــــه وجـــيّـــه
مــيـــر الـــبـــلا قـــامـــت تـــزيـــد الـمـيــاعــه **
أســلــم وســلّــم لــــي عــلـــى الـسـالـمـيّـه !
.
رد مع اقتباس

  #10  
قديم 12-06-2011, 01:53 PM
الصورة الرمزية سلطان مطلق الغنّامي
سلطان مطلق الغنّامي سلطان مطلق الغنّامي غير متواجد حالياً
كاتب ذهبي
 
تاريخ التسجيل: Dec 2010
الدولة: حيث أكون !
المشاركات: 2,356
معدل تقييم المستوى: 11
سلطان مطلق الغنّامي is on a distinguished road
افتراضي

.
.

من اجمل من يكتب الشعر في عصره الحالي ،، شعر الكلمة المحكية ،، والوطنية ،،
وقضية الشارع المحلي البسيط سداح ( ياسر ) له اشياء قديمة ايضاً كانت بداية
لانطلاق موهبته ،، تشبعت بكثير من الاحاسيس العفوية الـغنيةبالجمال والابداع ،،
وفي حقيقة الأمر ان سداح لن تنتهي باذن الله تجربته عند ديوان مسموع او مقروء ،،
فتدفق الشاعرية المواكبة للحدث هو مايميز ه ،، وبذلك تكون الحالة لدى ياسر في
حاجة الى تحديث مستمر تبعاً لطقوسه النفسية والفنية ،، وهذا لايقتصرعليه هو
وحده بل قد يشترك معه الكثير من الشعراء لكنه هنا في هذا المصتفح هو النجم المعني
بكل هذه الحفاوة والـ تكريم ،، ويتساهلها بكل جدارة لانه اثبت ذلك بشعره وانسانيته العظيمة .

تمنياتي له بالنجاح والاستمرار في قطف ازاهير الاعجاب والتقدير


محبه: سلطان

..
__________________
ناطلس ..!
.
.

أنا هـــــــنــــــــا كثيراً
.
.
مدوّنتي المتواضعة تـــــشــعّــــب


..

صفحتي في تــ ويــتــر
..
رد مع اقتباس
إضافة رد

مواقع النشر (المفضلة)

المواضيع المتشابهه
الموضوع كاتب الموضوع المنتدى مشاركات آخر مشاركة
صقر النصافي الصريـح منتدى الشعر والقصص الشعبية 6 02-08-2013 02:08 PM
الشاعر العملاق في سيرة بسيطة في جريدة اليوم سعود بن منيف بن نافه منتدى تاريخ وديار قبيلة الغنانيم. 10 02-14-2012 12:16 AM
الشاعر ملفي المورقي للعبيكان: الدين ما فيه الحياء والمجامل الصاعق منتدى الشعر والقصص الشعبية 3 09-18-2011 04:38 PM

أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 05:54 AM


جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط