مرحبا بكم في منتدى قبيلة الغنانيم كلمة الإدارة


ديوانية شعراء الغنانيم قصائد شعراء الغنانيم ومحاوراتهم الشعرية.

إضافة رد

  #1  
قديم 02-01-2012, 12:28 AM
الصورة الرمزية كحيلان الغنامي
كحيلان الغنامي كحيلان الغنامي غير متواجد حالياً
 
تاريخ التسجيل: Jan 2012
المشاركات: 8
معدل تقييم المستوى: 0
كحيلان الغنامي is on a distinguished road
افتراضي قصيدة للشاعر (عقاب بن عبدالله الغنامي العتيبي)

السلام عليكم ورحمة الله مبركاته
هذي قصيدة للشاعر عقاب بن عبدالله بن مجيول الغنامي


يالله تجعلنـا لـك أقـراب وأحبـاب
وتجعل لنا حـظ ّ ٍ مـع اللـي حببتـه
وتجعل دعانا مايجـي دونـه حجـاب
وتثيبنـا مـع كـل مخلـوق اثبـتـه
وطالبك عفوك في مشيبي وانا شاب
عن كـل ذنـب ٍ فالحيـاه ارتكبتـه
والبارحه جانـي مراسيـل وكتـاب
مـن واحـد غالـي ورد ّه كتبـتـه
كتبت رد ّه والدعاوي لـه اسبـاب
علـم ٍ صحيـح ويسمعـه ماأستغبـتـه
مدّيت له كـف المخـاوى للاغـراب
ومن بـد بيضـان الوجيـه انتخبتـه
يوم الزمن كشّر عن الضرس والناب
والوقـت ميّزنـا ربـوعـه وسبـتـه
ماعاد أخاوي غير عكفـان الأشنـاب
والدون لـو جـا فالطريـق اجتنبتـه
خوّة قنص يطرب لهـا كـل طـرّاب
علـى النقـا بانـت ولاهيـب غبتـه
قال أسمحولي عندي ظروف وأنشاب
وكم موعد ٍ من كثر الاشغـال غبتـه
وأثره يخطط نـاوي ٍ لـه بمهـذاب
وأنـا علـى نيّـه معـه ماستربـتـه
وكل ّ ٍ رحل من فوق عجلات الأنداب
ناصر ضرب دربه ودربـي ضربتـه
ناصـر عليهنّـه تحـلّـى بـالأسـلاب
وأنـا عليهنّـه شمـاغـي عصبـتـه
اقطع تهاتيـه الخـلا عشـرة أوجـاب
وان زدت يوم بحسبتـي ماكذبتـه
حيـث إن للرحلـه منظّـم وحسّـاب
وعلومنـا عنـد الرياجـيـل ثبـتـه
وأنا أحمـد الله ماخسرنـا بالأتعـاب
ومن لا أجتهد فأمره حصيلـه تعبتـه
طبّيت فـي دار ٍ نواويـر وأعشـاب
ريـح الصبـا تلعـب بعالـي عشبتـه
يرعابها صيد ٍ عـن النـاس هـر ّاب
واللـي تدنـيـه المنـيّـه قضبـتـه
داره عفو مخلي من الناس ومهـاب
ولولا عزومي مع هل الصيـت هبتـه
مادق فيها شـاوي البـدو منسـاب
ولاطبهـا الوبّـال يـدفـع جنبـتـه
مع خوّة الوافيـن صافيـن الأ لبـاب
اللـي غلاهـم فالضمـايـر كسبـتـه
دايـم نباهـم فيـه لـذ ّه وترحـاب
ولا فيهم اللـي بـار ساعـة جربتـه
اللـي نـزل للنـار موقـد وشبـاب
واللي يقول اخـذوا طلـي ٍ قصبتـه
واللي نزل للكيـف مولـم وصبـاب
وراع العشـا شمّـر وحـز ّم حجبتـه
وعقب انتهينا جات من عند وهّـاب
ندرا ً مطرهـا فـي طرفنـا سكبتـه
للسيل في طرق الشواهيـق مسحـاب
هاك العروق اللـي حداهـن وثبتـه
جيته وعـد ّ يتـه معسـس ومرتـاب
مـن زود عشبـه ماتمـيّـز تربـتـه
وبأعلاه مديت النظر تحت الاهـداب
كن الحيا بأرقـاب الاطعـاس سبتـه
للصيـد فيهنّـه معـشّـى وملـعـاب
وجينـاه واصطدنـاه والهـم كبتـه
ولّى عـن صـدور النشامـا وينتـاب
صدر الضعيف اللـي مربّـه عتبتـه
وإن كان رب ّ البيت كافانا الاسباب
مطلبـك ياناصـر حسـب ماطلبـتـه


رد مع اقتباس

  #2  
قديم 02-01-2012, 12:14 PM
الصورة الرمزية خالد قايل الغنامي
خالد قايل الغنامي خالد قايل الغنامي غير متواجد حالياً
كاتب متألق
 
تاريخ التسجيل: Sep 2008
المشاركات: 1,491
معدل تقييم المستوى: 12
خالد قايل الغنامي is on a distinguished road
افتراضي

صح لسانه مليار
لعب على قافيه صعبه واحسن العب
تسلم يداك كحيلان
تقبل مرورى
__________________



الغـــــــنــــ gzk2007 ـــامــي
رد مع اقتباس

  #3  
قديم 02-01-2012, 02:22 PM
الصورة الرمزية كحيلان الغنامي
كحيلان الغنامي كحيلان الغنامي غير متواجد حالياً
 
تاريخ التسجيل: Jan 2012
المشاركات: 8
معدل تقييم المستوى: 0
كحيلان الغنامي is on a distinguished road
افتراضي

الله لا يهينك على المرور وبيض الله وجهك
رد مع اقتباس

  #4  
قديم 02-03-2012, 08:33 PM
الصورة الرمزية إياد الروقي
إياد الروقي إياد الروقي غير متواجد حالياً
كاتب ماسي
 
تاريخ التسجيل: Sep 2010
الدولة: الرياض
المشاركات: 9,635
معدل تقييم المستوى: 18
إياد الروقي is on a distinguished road
افتراضي

صح قولك ومنقولك
__________________

رد مع اقتباس
إضافة رد

مواقع النشر (المفضلة)

المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة للشاعر سداح الغنامي العتيبي ألعتيبي ديوانية شعراء الغنانيم 15 11-06-2015 09:17 PM
طلال بن حمد الغنامي عريساً + تغطيه مبارك حمد الغنامي أخبار أبناء القبيلة ومناسباتهم . 15 08-15-2012 05:02 AM
قصيدة لالشاعر (عقاب بن عبدالله الغنامي) كحيلان الغنامي ديوانية شعراء الغنانيم 3 02-03-2012 08:34 PM
قصيدة للشاعر عقاب بن عبدالله الغنامي العتيبي كحيلان الغنامي ديوانية شعراء الغنانيم 6 02-03-2012 08:33 PM

أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 04:26 PM


جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط