مرحبا بكم في منتدى قبيلة الغنانيم كلمة الإدارة


القسم العام للمواضيع التي لاتندرج تحت أي قسم من أقسام المنتدى.

إضافة رد

  #1  
قديم 09-15-2011, 07:09 AM
الصورة الرمزية هواوي داج
هواوي داج هواوي داج غير متواجد حالياً
كاتب مبدع
 
تاريخ التسجيل: Nov 2009
الدولة: على احد الطرق السريعه
العمر: 36
المشاركات: 920
معدل تقييم المستوى: 10
هواوي داج is on a distinguished road
افتراضي ياليتنا من صيفنا سالمين

سلام علاكم وشلونكم عساكم طيبين كلكم

والله اني جيت سارح مع صوصاية الطار

لحيث ان عندى مسراح على هالخطوط

وتاليا بطلت وماجاني نوم وقلت ادخل المنتدا

واهرج علاكم هريجات ودوادي مع هالصبح

ورحت اعفرت الماخوذه وبغيت اجيب واحدتن

والله ان لك علاها وطويله وفيها خنبقه وهنوصه

وذليت من الحكومه ودورت وحكحكت

قشتي وعرمت خشتي وبحلقت عيوني

ولقيتلي سويلفتن حقت جهمه ماتوخر المستعجل

هااسمعو واعو وها واحدن من جماعة الربع سنتن من السنين

يقول عندي وحدتن عصاقيلها كنها

الملاقيط محسحسه الله يخليها لي . وتسمع بالصيفيه

والناس يوم يقولون صيفنا في المكان الفلاني وماتدري

وان مكانها تحسبنها اكل وجتني قالت

يا ابو فلان مابه الا سلامتك قلت يسلم

هالخشم الي كنه الخوصه حقت البصل

قالت حنا نبا نصيف هالسنه فالرياض ...

خخخخخخخخ ابك مالقيتي تصيفين غار بالرياض

قالت ايه كل الجماعه الي فالديره الي مانيب قايلتن اسمها

لياجو يصيفون راحو للرياض وش عندنا غاره وصيفو فيه .

قلت ابوك الناس تصيف في ابها <<< مايعرف غار ابها الحبيب

قالت المهم جاراتنا وبنات عمي اذا بغو يصيفون راحو للرياض

قلت اجل مادام كذيا اركبي على الدستن وحنا نجهز عفوشنا

وندقها ومع هالشموس والحر وبدون مكيف وجاييلنا ريحه وصنكه

تاركين الحر ورايحين للحرور المقنبعه وعلى الرياض ومع هاك الشارع

لين هاك الشقق الي اول مره اشوفها لاني ماني ضاري بخار وماعرفت الشقق

انا واياها . قالت ابك ابك لاتقطعنا منها هاذي ماعمري شفت مثلها

و ماقط شفت مثل الي بداخلها في حياتي . قلت لا انا قد شفت مثلها في باريس

قالت هاه . قلت لا اقول انتي كويسه مانتي ضاريتن بخار

يا ام عصيقيلات . ماتعرف العصقيلات لوقلت سيقان عرفت خخخخخخخخ
وحنا نوقف وننزل عفشنا حق الصيفيه

قلت اسمعي انا ابا ارو ح اجيك من تحت

بعيشه وانتي فكي العزبه وسوي لنا دله

قالت ابشر اهم شي جبلنا معك جبنه كركريه

قلت طيب . ابوك ياهالجبنه والله اني اول مره اسمع بها.

فلاكن ابا ادورها ابشري وانا اادحدر وعلى اول بقاله

واخذ الخبز والمقاضي والعصيرات واحمل من عيشت الرياض

الي جايلها غبره وادور على الجبنه اللي تقولها ومالقيت غار جبنه كيري.

كركريه مالقيتها واجيك راجع والقا باب الشقه فاتح وانا انكفت مع بابها

وادور رفيقتي في المطبخ وفي الصاله مالقيتها ووطي المقاضي في المطبخ وعلى اخر غرفه في الشقه

الي هي غرفت النوم ابا اتلين واتمغط شوي وادخل واحصل

اللمبه طافيه وانزل عقالي وشماغي على التسريحه ويوم التفت على السرير

للحرمه منسدحه دوب اشوف دهرتها . وابوك انسدح حظك ماسوت القهوه.

قلت تدري خلها تمغط يمكن لاحقها قصاء المهم اني ماركزت زين .

واحكحك قشتي واميز لين الحرمه منسدحه وملقيتني مقفاها لين

المنظر مختلف ابك المشكله وشهي الوضع متغير والزيله ماهي زيلة رفيقتي

قلت ايه يمكن من النعمه في الشقه وكبرت سيقانها وكبر مقفاها وانا اسبر

واسترق النظر بشويش ابا اشوف خشتها لاوالله انها ماهي رفيقتي هاه

ياربي بغيت اصيح مرتين بغيت ابكي مره وانا امسك نفسي

وارقع غترتي . هالحين صارت غتره بعد ماكانت شماغ

ماعاد اشوف ومع الباب الي دخلت معه واترك اغراضي في المطبخ

واطلع واقف عند بيبان الشقق ابك انا ويش اسوي ياربي وافكر واتفكر

قلت اكيد اني غلطان لاني اولا يوم طلعت اجيب العيشه متاكد اني

مسكر الباب او ان هاذي ذبحت حرامتي وجت محلها . قلت مابها كلام

ابا اطق باب الشقه الي جنبها واطقه لاوالله ان صوتها تنغي ورى الباب من؟

قلت ابك مغر انا افتحي الباب قالت انت وان رحت من اليوم .

قلت لقيت النعمه المربربه والزين الملس.

قالت هاه . قلت لا مافيه شي بس لقيت في البقاله مقاضي واجد

وتهاوشت انا وراعي البقاله وجتنا الشرطه وانحشت

عنهم وتركت المقاضي عندهم وماطمعت اني اجيك

فلاكن اكلي من التمره الي عندك في العزبه لاان الله يحلها .

الله لايعود هالصيفيه الي كل ماجاني بدوي او بدويه في المدن

الصغار والقرى قال ابا اروح للرياض ومايدرى ان

ديرته بسعتها وجوها اطلق من المدن الكبيره الي مابها غار الزحمه

والحر والضياع والقصه من نسج الخيال

والسلام علاكم ورحمت الله وابا اروح ارقد

وان شاء الله مانرقد عن صلات الظهر فمان الله ياربعنا
__________________

http://www.youtube.com/watch?feature...&v=BK93goMOU_E
دروب الحي تســألني
ترى هل سافرت ليلى
وطيب الشوق يحملني
إلى عيــنيــك يا لـيلى
رد مع اقتباس

  #2  
قديم 09-15-2011, 01:53 PM
ابو رامي ابو رامي غير متواجد حالياً
كاتب ماسي
 
تاريخ التسجيل: Nov 2010
المشاركات: 4,301
معدل تقييم المستوى: 13
ابو رامي is on a distinguished road
افتراضي

الهواوي ياحبي لك انت ورواياتك والله ما ادري انت تستاهل ها الحب والا لا المهم الله عطاك مني
روايه جميله وحضور اجمل واسلوب مميز الله يسعدك
تقبل ودي واحترامي ولا تطول نبي مثل ها الروايه لو على الاقل كل اسبوع
رد مع اقتباس

  #3  
قديم 09-15-2011, 02:13 PM
الصورة الرمزية نوح فايح الغنامي
نوح فايح الغنامي نوح فايح الغنامي غير متواجد حالياً
كاتب ذهبي
 
تاريخ التسجيل: Mar 2011
المشاركات: 2,816
معدل تقييم المستوى: 10
نوح فايح الغنامي is on a distinguished road
افتراضي

ههههههههههه
صيفيه مبروكه
هواوي تحياتي لك
رد مع اقتباس

  #4  
قديم 09-15-2011, 02:41 PM
الحنونه الحنونه غير متواجد حالياً
كاتب ماسي
 
تاريخ التسجيل: Apr 2010
المشاركات: 4,489
معدل تقييم المستوى: 13
الحنونه is on a distinguished road
افتراضي

ههههههههههههههههههههههههههههههههههههههههههه هه هه...


ابداااااع
خيال وااسع
اطلااله جميله
اخوي هواوي داج مشكووور..





ننتظر الصيفيةالقادمة...؟
__________________
رد مع اقتباس

  #5  
قديم 09-15-2011, 03:10 PM
ناصر ناصر غير متواجد حالياً
 
تاريخ التسجيل: May 2011
المشاركات: 321
معدل تقييم المستوى: 8
ناصر is on a distinguished road
افتراضي

هواوي داج اثرك يوم ترفض الكشف عن أسمك الصحيح حتى تتكلم في بعض الاموربحرية كاملة ولكن سوف نطالب بمحاكمتك في محكمة الجنايات الدولية في لاهاي كمجرم حرب وأعتبر أسمك خلال أيام في شرطة الانتر بول الله يعينك

التعديل الأخير تم بواسطة الحنونه ; 09-15-2011 الساعة 10:56 PM
رد مع اقتباس

  #6  
قديم 09-15-2011, 03:11 PM
الصورة الرمزية إياد الروقي
إياد الروقي إياد الروقي غير متواجد حالياً
كاتب ماسي
 
تاريخ التسجيل: Sep 2010
الدولة: الرياض
المشاركات: 9,635
معدل تقييم المستوى: 18
إياد الروقي is on a distinguished road
افتراضي

هواوي داج تسلم يمينك
__________________

رد مع اقتباس

  #7  
قديم 09-15-2011, 03:22 PM
الصورة الرمزية سموالذات
سموالذات سموالذات غير متواجد حالياً
كاتب ماسي
 
تاريخ التسجيل: Dec 2010
المشاركات: 8,017
معدل تقييم المستوى: 17
سموالذات is on a distinguished road
افتراضي

ههههههههههههههه
حيالله الداج : من طول الغيبات جاب الغنايم
انت وان ايامك وراك بخيل يا اخي في السنه
تنزل لنا روايه ! وانت صاحب خيال واسع
وروايات جميله وتوسع الخاطر , ها لا تبطي
علانا ترانا في انتظار الجديد , احترامي لك
ولخيالك ولقصصك الفكاهيه , الله يحفظك .
__________________
قُل كُلٌّ يَعمَلُ عَلَى شَاكِلَتِهِ (قرآن كريم , الإسراء ايه 84)
رد مع اقتباس

  #8  
قديم 09-15-2011, 09:28 PM
الصورة الرمزية حره على كف صقار
حره على كف صقار حره على كف صقار غير متواجد حالياً
كاتب متألق
 
تاريخ التسجيل: Aug 2011
المشاركات: 1,307
معدل تقييم المستوى: 9
حره على كف صقار is on a distinguished road
افتراضي

ههههههههههههه
القصه كوميديه من خيال واحد داااج مع اني ماافهمت بعض الكلمات لكن على اي حال شكــــــــرا .. وهذا كله كوم والدوله حقتك كوم ثاني ...هههههههههه
__________________
رد مع اقتباس

  #9  
قديم 09-15-2011, 10:49 PM
الصورة الرمزية سلطان مطلق الغنّامي
سلطان مطلق الغنّامي سلطان مطلق الغنّامي غير متواجد حالياً
كاتب ذهبي
 
تاريخ التسجيل: Dec 2010
الدولة: حيث أكون !
المشاركات: 2,356
معدل تقييم المستوى: 11
سلطان مطلق الغنّامي is on a distinguished road
افتراضي

.
.


هههههههههههههههههههههههههههههههههه
هههههههههههههههههههههههههههههههههه

هواوي داج ،، اصبت ولم تدج بعيدااا عن الواقع المعاصر حالياً ،، وهذا مايحصل فعلاً

واهل الرياض ،، طفشااااااانين من زحمتها وجوهاااا وغبرتهاا على قولتك ،، لكن المقاضي اخذ

مقاضي كركرية وغيرهاااا ،، ذكرتني بقصة حصلت لي في عفيف السنة الماضية ،، احد الاخوان

ساكن في الدور العلوي موقع شقته نفس موقع الشقة اللي انا ساكن فيهاا يمين الدرج على طول

،، وعشرين مرة في الدقيقة يدق الجرس

حتى مع القوايل مضيع الاخ ! لين الله فرجهااا ونقلت من عنده بعد ما اتلف ام الاعصااااب


شكرا لطرحك ،، وللب الموضوع فيه ياهواوي داج ,, وبعدين تعال ترى فيه ناس تسال عن هويتك

الحقيقية وازعجووووني يبون يعرفون من انت ياخي علمهم وريحنااا


..
__________________
ناطلس ..!
.
.

أنا هـــــــنــــــــا كثيراً
.
.
مدوّنتي المتواضعة تـــــشــعّــــب


..

صفحتي في تــ ويــتــر
..
رد مع اقتباس

  #10  
قديم 09-16-2011, 01:25 AM
الصورة الرمزية سامي مشعان
سامي مشعان سامي مشعان غير متواجد حالياً
كاتب ماسي
 
تاريخ التسجيل: Jan 2011
المشاركات: 3,013
معدل تقييم المستوى: 12
سامي مشعان is on a distinguished road
افتراضي

يالهواوي حياك الله في محلك واقلط في المشب والله ان علومك تشرح الخاطر وقصصك دايم رائعه وممتعه << هاذي ماتصلحلك خلها دايم زانه ومامثلها
وسلمت يمينك الحرشاء لطرحك الكويس
__________________
رد مع اقتباس
إضافة رد

مواقع النشر (المفضلة)

المواضيع المتشابهه
الموضوع كاتب الموضوع المنتدى مشاركات آخر مشاركة
اذا انكم صاملين على الذبايح والفشخره سامي مشعان القسم العام 16 05-08-2011 03:23 AM
ياليتنا كذا غنامي ضايع القسم العام 8 02-21-2011 07:53 PM

أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 10:48 AM


جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط