مرحبا بكم في منتدى قبيلة الغنانيم كلمة الإدارة


منتدى قبيلة عتيبة الهيلا كل ما يخص قبيلة عتيبة الهيلا وشيوخها وفرسانها ورجالها البارزين وديارهم

إضافة رد

  #1  
قديم 06-12-2012, 07:01 PM
الصورة الرمزية برق الشمال
برق الشمال برق الشمال غير متواجد حالياً
كاتب ماسي
 
تاريخ التسجيل: May 2011
الدولة: الخـلـيـج العــربــي
المشاركات: 3,847
معدل تقييم المستوى: 11
برق الشمال is on a distinguished road
Arrow بعض قصص وقصائد بخيت بن ماعز العطاوي



السلام عليكم ورحمه الله وبركاته

بخيت بن ماعز العطاوي من ذوي عطيه من الروقه من عتيبه اخو شليويح من الفرسان الشجعان وفي احدى المعارك اعترض لهم هو وقومه من البقوم , ولكن في طبيعتهم اكرام بعضهم ولو كانو متاعدين فيصبرون ويتجملون , وكان عند اميرهم قاعد ابن حرشان وكانو في هدنه وقد زارهم بخيت بن ماعز العطاوي فطلب قاعد هيلا للقهوه فمرته احدى نسائهم وتدعى ( ســـــــــاره ) وكانت جميله فسقط الفنجان من يده والتفت اليه اميرهم فقال : شوف لعينك وحظ لغيرك !! ..

فانشد قائلا :





طرد النظـر مافيـه عيـب عليـه =ابا اتحلى بنـت ماضيـن الافعـال
ياونـتـي يـاسـاره الوزاعـيـه =ونـه معيـد ساقـه الفجـر عمـال
تقفي وتقبـل فـوق جـال الركيـه=ومن الصلف خالي ضهرها من الحال
لاشـدو العربـان ودوجـر حنيـه=يبرى لهـا قاعـد بتسعيـن رجـال



فلما سمعته ساره اعطته جوخه وهي من خيار الملابس , فقال مقبوله وجزاها حصان نكسبه من قومك وفعلا كسب حصانا من قومها , وارسله لها وهذا دليل على مداعبتهم وطيب نفوسهم وعفافهم وشرفهم ومن شجاعته انه غزا ومعهم الحفاه وساير التوم وهو شجاع وكريم , ولكن حصانه ردي ومن ذكا نسائهم اخذت ابنته قويله يدا من الذبيحه واعطتها بخيتا واوصته على والدها وهم يسمعون وهذه عاده عند المعاده تسمى ( علـــــــقه ) فقال لها لا داعي للتوصيه , وبدات المعركه , فلما تردى من الخيل كسبه الاعداء , لان السلاح سيف ورمح وعندما ابتعدت خيل عتيبه تاخر التوم وعنده ابن الاصيقع من قومه وكل نجا بنفسه فاقبل الفارس قطنان البقمي وهو يقول الجيره ماتقطع الدشه فرد عليه بخيت واظهر التوم ورمى بالفارس وغنم حصانه وارسله الى ساره الوزاعيه مجازاه عن الجوخه التي عطته

وبهذه المناسبه انشد بخيت قائلا :




ياقويله جينا بمـن يذبـح الكـوم =لو راح ماتنفـع سمـان العـذارا
ياقويله قطنان حنث علـى التـوم=وابن الاصيقع خالفه من يسـارا
فك الخوي حق علينـا وملـزوم=مودعيـن فـك راعـي الثبـارا
ياعنك مايقضي لك الحاجه اليـوم=مايقضي الحاجات كود الحـرارا
والله لو ان الخوي غانـم الـروم=انه عشاهم عنـد خشـم النـوارا
ابوك نعـم فيـه مايلحقـه لـوم =لاشك غوجه قاصـر بالمغـارا
ياسابقي عرضك بعيد من اللـوم =لاجا نهار مثـل هـاك النهـارا
تهوي كما يهوي من الجو صيروم =يبي العشا مـن نابيـات الفقـارا



وله بمناسبه غارتهم على ابل البقوم بالموضع المعروف بتين وحره الجوهريه ويذكر انهم خلصو ابله وهذا اعتراف منه بشجاعه كل منهم كما يشير الى ما حدث من اصابه لشيخهم شليويح وانه كان السبب في نجاتهم فيقول :




في لبه العاقر جـرا لـي تفاكيـر =مابيـن تيـن وحـره الجوهريـه
خذنا قطيع فيه رمـس المغاتيـر =وعيو علـى تاليـه قـوم لظيـه
لحقو اهل البل فوق قب مشاهيـر =يتلون ابن جرشان ذيـب السريـه
قلنـا مياميـن وقالـو مياسـيـر =ولا ينعدل سيل النحا عـن نويـه
رديتها يوم الغلـب لـي مناحيـر =والحقـت شيـخ كاسياتـه دميـه
رديتها والحقت شيـخ المظاهيـر =وجواد ابن متروك صفـرا ثنيـه
وزامل على الصفرا عيونه مطايير =مالومزامل شاف وخـره وحيـه
ناديت في حسي صيـاح بتشهيـر =ولا منهم الـي لـد بالعيـن ليـه
يوم ان ابن هذال يرمي المعاذيـر =وابن البتيرا هـج قدامـه شويـه



وهذه ابيات قالها في ساره ثنا عليها ولا يستغرب من مثله لمثلها وهي المشهوره بالعفاف والكرامه , وهو المشهور بالشجاعه والشرف فيقول :




ياراكب اللي فوقهـن الحلـق لاح =متيهـات فـي ليـال الخـضـارا
يازينهن يوم اقبلن عقـب مـرواح =يشدن فريق الصيد يـوم استـذارا
منصاكم اللـي للعشاشيـق ذبـاح =اللي جمع عقـل وزيـن العـذارا
ردوا سلامي يم ساره بالانصـاح =يا اللي تجون اديارهـم بالخبـارا
انا مجيهم غيـر والسبـر طفـاح=على النضـا ومحيـلات المهـارا
في ضف نمرا كل من شافها صاح =ومعـزل مركيهـا ابـو زبــارا
يامير ماتامر عليهـم بالاصـلاح =مايجتهد بالحرب كـود النصـارا
حتى اليا زان الحيا والمطر طـاح =تلقى النزول بضفنـا مـن يسـارا
مرباعنا باسفل بريـده والاسيـاح =يـم النفـود ويـم هـاك الزبـارا
وان غرهد الجندب ووقت الحيا راح =ظعوننـا وظعونهـم جـت تبـارا
ميرادنـا عـد بـه الجـم فيـاح =مـران عـد مشرهفـات البكـارا
وميرادهم في مارد غردقـه فـاح =عليـه مديـان ومحـال تـسـارا
قالوا لي اصلح قلت مادونها اصلاح =كود النجوم تشاف وسـط النهـارا
ولا الحسا يرحل وينزل بالاسيـاح =وألا تجيه هضاب صبحـى تبـارا



وله ايضاء حين قالوا ان البقوم أغاروا على قوم بخيت ... وكان جار له يقال له نقزان المغيري .. اخذوا البقوم بعض البل منه ... فركب بخيت وتناوش القوم حتى رد الابل .. ثم قال :




يا خيلنا وان شـب للحـرب نـاره =وضلا يلاوي راسها كـل ديقـان
راحن من حت التطاريـف شـارة =وعود بعد مركاضنـا ذود نقـزان
كم سابق مـن شاقحـات الخبـاره =وقم السديـس ولا تبـدل بالاثمـان
نركزلهـا فالبيـت رمـح وكـاره =ونركض عليها فاللقا بادهم الـزان
والله ما الوم اللـي تسانـد يسـاره =والله ما الومه شاف زوغات الاذهان
يشـوف نقريـز تقـادح شـراره =وخيل على اهلها سراويـل تومـان
وحلفت ما تقفي بهـا قـوم سـاره =ياكود ما نمسك رمـاح بالايمـان
يابقـوم ماحنـا بفزعـة سمـاره =حنا عماكم من قديمـات الازمـان
وياواصل الطيور هو ويش كـاره =وش ولعه فالعرق زينات الالـوان
قل لـه يعـود يـم غرسـه وداره =وحدايـق فيهـن خـوخ ورمـان
والله يالـولا ساحقيـن الـثـواره =اللي حدوني عن مناحـي وحمـدان
اني لاالحقه قبـل ياصـل ديـاره =ويجيه ما جا الربع في حيد رضوان


وله ايضا الشاعر الفارس :

جينا مع الطارف سرايا(ن) تقادي =خيالـة فيهـم سراويـل تومـان
وكنا على بوش(ن) يشوق المعادي =ومن دونها ثور عسـام ودخـان
الله لا يسـقـي جوانـبـك وادي =وادي(ن) حما جاله محمد وقطنان
من رمح محمد يركب(ن) السنادي =واللي يعديها الزماميـل قطنـان
اصقه ويدجر في نهار الطـرادي =ومن لا يعرفه ما يصدق بما كان
راحن ياطن الدعـث والشـدادي =ومكثرن قطنان فيهـن الاكـوان
من غب كونه والقلايـع تقـادي =بين الحشاش وبين فية رامـادان



كما كانت هذه القبائل هي الأ خرى تعتدي على ما يحاذيها من عتيبـة وكــان
شليويح وإخوانه غالبا في مقابل غارات البقوم وقحطــان والشلاوى وسبيــع
وفي إحدى غارات البقوم في أواخرالقرن الثالث عشـــر أغــار قــوم مــن
البقوم وطاردهم بخيت حتى التجأوا الى أطراف جبل حضن فقال القصيده
التاليه:




جونا مع الفاضة بـراح بياضـه =واليا ان ضرمتنا ثيايا على البيـر
تواجهن وجيهنـا عقـب غاضـه =وتعاقبـن ايماننـا بالمخاسـيـر
وماهاضني رمح يشوق اختضاضه =نرميه لين ان الكعب يلحق الضير
ياخيلهم من عقب روجين راضـه =ورميهم ياطنـه مقـاف مناحيـر
ربي نصفني من بني عم عاضـه =بشلف نروي حدهـا والمساميـر


اتمنى ان وفقت في طرحي هذا
أخوكم /عبدالمحسن عبدالهادي الغنامي

__________________
التوقيع
رد مع اقتباس

  #2  
قديم 06-12-2012, 10:53 PM
الصورة الرمزية نوح فايح الغنامي
نوح فايح الغنامي نوح فايح الغنامي غير متواجد حالياً
كاتب ذهبي
 
تاريخ التسجيل: Mar 2011
المشاركات: 2,816
معدل تقييم المستوى: 10
نوح فايح الغنامي is on a distinguished road
افتراضي

الله يرحم الفارس بخيت بن ماعز

ابوعبد الهادي مشكور على النقل

احترامي وتقديري
__________________
سبحان الله وبحمده سبحان الله العظيم
رد مع اقتباس

  #3  
قديم 06-13-2012, 12:39 AM
الصورة الرمزية سعود بن منيف بن نافه
سعود بن منيف بن نافه سعود بن منيف بن نافه غير متواجد حالياً
كاتب ذهبي
 
تاريخ التسجيل: Jun 2011
المشاركات: 2,022
معدل تقييم المستوى: 10
سعود بن منيف بن نافه is on a distinguished road
افتراضي

الله يرحم الفارس بخيت العطاوي سيره عطره ومشرفه وبيض الله وجهك على الايراد تحياتي وتقديري
__________________
منجّين الدخيل ليا زبنا
اذا فرضت عليه المعجزات

زبنّا من تحيط به المنايا
وربعه حاكمينه بالممات

ثنى طايل طويل الباع دونه
وربعه معه عدمين الصفات

الاد غنام في حدب الهنادى
وفي علط الرماح القاتلات

ابن نافه يبا ينجي دخيله
بشلفا توصل الدم اللهات

تلوذبنا مقطعة العواني
ليا جات العلوم اخذٍ واهات

وترفع عنهم السطوه يدانا
بشلفٍ يشبعن الجايعات

فعل عمي وابويه وابن عمي
نقول العلم والعلم الثبات


للشاعر الكبير /فلاج بن عبدالله بن دخيل الله بن طايل بن نافه
رد مع اقتباس

  #4  
قديم 06-14-2012, 11:31 AM
الصورة الرمزية برق الشمال
برق الشمال برق الشمال غير متواجد حالياً
كاتب ماسي
 
تاريخ التسجيل: May 2011
الدولة: الخـلـيـج العــربــي
المشاركات: 3,847
معدل تقييم المستوى: 11
برق الشمال is on a distinguished road
افتراضي

اقتباس:
المشاركة الأصلية كتبت بواسطة نوح فايح الغنامي
الله يرحم الفارس بخيت بن ماعز

ابوعبد الهادي مشكور على النقل

احترامي وتقديري



ابو فايح شكري لك على المرور
والاطلااع
تحياتي لك
__________________
التوقيع
رد مع اقتباس

  #5  
قديم 06-14-2012, 11:32 AM
الصورة الرمزية برق الشمال
برق الشمال برق الشمال غير متواجد حالياً
كاتب ماسي
 
تاريخ التسجيل: May 2011
الدولة: الخـلـيـج العــربــي
المشاركات: 3,847
معدل تقييم المستوى: 11
برق الشمال is on a distinguished road
افتراضي

اقتباس:
المشاركة الأصلية كتبت بواسطة صقر روق
الله يرحم الفارس بخيت العطاوي سيره عطره ومشرفه وبيض الله وجهك على الايراد تحياتي وتقديري


سعود شرفني مرورك واطلااعك
لاعدمناك
احترامي لك
__________________
التوقيع
رد مع اقتباس

  #6  
قديم 06-16-2012, 11:59 PM
الصورة الرمزية المشعاب
المشعاب المشعاب غير متواجد حالياً
كاتب مبدع
 
تاريخ التسجيل: Dec 2011
المشاركات: 745
معدل تقييم المستوى: 8
المشعاب is on a distinguished road
افتراضي

بيض الله وجهك برق الشمال
على طرحك
رد مع اقتباس

  #7  
قديم 06-18-2012, 12:39 PM
الصورة الرمزية برق الشمال
برق الشمال برق الشمال غير متواجد حالياً
كاتب ماسي
 
تاريخ التسجيل: May 2011
الدولة: الخـلـيـج العــربــي
المشاركات: 3,847
معدل تقييم المستوى: 11
برق الشمال is on a distinguished road
افتراضي

اقتباس:
المشاركة الأصلية كتبت بواسطة المشعاب
بيض الله وجهك برق الشمال
على طرحك



المشعاب شرفني مرورك واطلااعك
لاعدمناك

احترامي لك
__________________
التوقيع
رد مع اقتباس

  #8  
قديم 06-23-2012, 06:41 PM
الصورة الرمزية أبو بتـــــال
أبو بتـــــال أبو بتـــــال غير متواجد حالياً
كاتب ذهبي
 
تاريخ التسجيل: May 2009
المشاركات: 2,746
معدل تقييم المستوى: 12
أبو بتـــــال is on a distinguished road
افتراضي

الله يطرحك في الجنه ومشكور على هذا الطرح المشرف حفظك الله بحفظه
__________________

آلاد غنام ياحماية التالي= الزايده ريعولي راس راعيها
رد مع اقتباس

  #9  
قديم 06-24-2012, 12:32 PM
الصورة الرمزية المشعاب
المشعاب المشعاب غير متواجد حالياً
كاتب مبدع
 
تاريخ التسجيل: Dec 2011
المشاركات: 745
معدل تقييم المستوى: 8
المشعاب is on a distinguished road
افتراضي

بيض الله وجهك عبدالمحسن
على الايراد الجميل واتمنى ان تواصل اباعك
احترامي لك
رد مع اقتباس
إضافة رد

مواقع النشر (المفضلة)

المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة :الفارس بخيت بن ماعز العطاوي الشاعر سلطان براك الغنامي منتدى قبيلة عتيبة الهيلا 14 11-18-2012 11:44 PM
قصائد رثاء مؤثره في الفارس الأمير مشحن بن ماعز العطاوي أخو سكرى منتدى قبيلة عتيبة الهيلا 29 08-05-2011 06:47 PM
بعض من سيرة الفارس الأمير مشحن بن ماعز العطاوي أخو سكرى منتدى قبيلة عتيبة الهيلا 17 07-12-2011 11:36 PM
بخيت بن ماعز العطاوي .. معظم سيرته تركي المغيري منتدى قبيلة عتيبة الهيلا 19 07-06-2011 11:33 PM
قصة وفاة الامير بخيت بن ماعز رحمه الله الشاعر سلطان براك الغنامي منتدى قبيلة عتيبة الهيلا 19 06-29-2011 12:35 AM

أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 10:27 AM


جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط