صاحين صافين المشاريب واشراف

[ذياب بن غانم]

قصيدة فخر
لشاعر الوطن العملاق/ خلف بن هذال

يابنت ياللي تطوي الثوب الارداف = شط الحوار بدر بكر يميحــه
في مرتع ٍ عشبه تغريف تغرياف = وامه هجل ماشمّلوها منيحـــه
والعنق عنق مذير ٍ عقب ما شاف = بواردي ٍ لا قف ٍ الّه بضيحــه
والعين عين موحش ٍ راس مشراف = يملا عيونه بالفجوج الفسيحه
يابنت مانرضى المهونه والاضعاف = ولنا علي روس المشاريف صيحه
فينا صفات الطيب يابنت الاوصاف = ما تنطبق في غيرنا يا مليحه
دخلينا يرقد ورا الوجه ما خاف = يامن وتحماه السلوم الصريحه
ناسم عصاه ولويبي حج واطّاف = تحت الحما ما واحد ٍ يستبيحه
ونفوسنا دايم عفيفات وانظاف = وابداننا من كل علّه صحيحه
صاحين صافين المشاريب واشراف = ما ناكل المترديه والنطيحه
صلبين في وقت الشدايد وعرّاف = منا المشوره واختيار النصيحه
وان ثارت الهيجا لنا وسط واطراف = وجه الحريب نقنّعه بالفضيحه
واكرام لو يلحق بنا نقص وخلاف = نملا الصحن ونلحّفه بالذبيحه
يوم السنين الماضيه حيل وعجاف = ينقر لنا من هبة الريح ريحه
والعيشه اللي تدبل الكبد تنعاف = النفس عن ما تكرهه مستريحه
دنيا تموج ولا رسمنا لها اهداف = ياما تحتها من فعول ٍ قبيحه
تجهز الغازي وتسرع بالانكاف = ولا تنكف الا بالفلس والقميحه

[يوسف الغنامي]

صح لسانه ومشكور على إيرادك

[نادر سمايل]

مشكوووووور والله يعطيك الف عافيه ع القصيده .

[غنامي]

ابو هذال شاعر كبير مبدع تسلم على الايراد

[ذياب بن غانم]

مشكورين على المرور

[عـبـد الـعـزيـز الـروقـي]

صح لسانـــه