مرحبا بكم في منتدى قبيلة الغنانيم كلمة الإدارة


الــصــيـوان واستراحة الأعضاء. للترحيب بالضيوف وبالأعضاء الجدد ، ومشاركة الجميع مناسباتهم

إضافة رد

  #1  
قديم 03-14-2011, 05:14 AM
الصورة الرمزية عبدالله بن نايف الغنامي
عبدالله بن نايف الغنامي عبدالله بن نايف الغنامي غير متواجد حالياً
 
تاريخ التسجيل: Feb 2011
المشاركات: 75
معدل تقييم المستوى: 8
عبدالله بن نايف الغنامي is on a distinguished road
افتراضي مصطلحات فله

السلااااااااام عليكم

كيفكم ؟؟ ان شاء الله بخير

اليوم جبت لكم مصطلحات مشهوره خصوصا عندنا بالسعوديه ومعانيها

الي بيقرا لازم يرد Ok ولا ياويله

يالله اخليكم مع المصطلحات



الدلخ :


وهذاا إنسان غبي جداااا.ويرفع الضغط ....وينرفز ....


واكثر من يعااني منه المدرسين ....واهله.




المنسم : ذلك راجع إلى تهريب الهواء من رأسه و السبب


في ذلك هو أن في رأسه فتق ( الفتق == فراغ ) لذلك تلقاه دايم يغطس رأسه


في سطل موية عشان يعرف من وين التنسيم .



المهوي :


هو مرحلة متأخرة من التنسيم و المهوي وصل لمرحلة متأخرة جدا


بحيث يفقد أهله الرجاء منه ...



الشخر المخر أو أبو مشخر

من نفس فصيلة المنسم !


السلنتح :


قليل الأدب


جحلط ( بتشديد اللام ) :


وهم مرحلة متقدمة للسلنتح


مزّلب :

يعني بايعها بتراب !


مسفّح :


يعني طاير في العجّة وهو ما عنده ما عندي جدتي

يعني بالعربي الفصيح من جنب العارضة !!



الصتيمة :

وهو الشخص اللي ماعنده ماعند جدة جدتي ...!!...

ويصدق أي شيء يقال له



المسبة أو المسبوة :

هو الشخص اللي يكون مروع في صغره لدرجة أنه يصبح شبه فاقد للعقل ...


الفاهي :

هذا الله يخلف مهما تقول له أو تصارخ عليه تلقاه فاتح فمه و بس


و إذا كلف عمره و تفاعل معك رد عليك و قالك : هه ...



الحقنة :



هو الشخص الغثيث اللي ما يفكك لين تعطيه اللي يبيه منك


و مهما تسوي له عشان تصرفه عن الموضوع حقه ينشب في حلقك


لين يأخذ منك اللي يبيه , وهذا يفسر قول العرب : أغث من حقنة !!....



العلة :

هذا اللي ما تأخذ أنت منه أي شيء و لا عنده استعداد


انه يسمع منك مهما حاولت وهو كالمرض يعلك لين تنفقع مرارتك منه......



العربجي :


يظن معظم الناس أن العربجي هو الشخص الشديد


حق المشاكل و اللي ما يمشي إلا وهو مشخص ببنت البكار


( أسم لطريقة لبس الشماغ عند العرابجة )


و حاط مفاتيحه في سلسلة و لا بس نعال سجاديه و يسحبها تسحيب


لين جاء يمشي و دايم فاتح صدره و رازه على فوق


و كانك ولد أبوك قله شيء بس .


لكن في الآونه الأخيرة ظهرت إشاعات تقول


بأن العربجي هو اللي يسوق ال....(الله يعزكم)


لكن صرح مصدر موثوق من عائلة العرابجة


بأن هذه إشاعة مغرضة أطلقها عليهم أحد الخكاري...



الكحلي :


يطلق مسمى الكحلي على ذوي البشرة السمراء


و لأن ذوي البشرة البيضاء مساكين ما عندهم لقب احتجوا


عند الأمم المتحدة مطالبين باللون الفضي ....


المرجوج :

ما عمره صلح شيء صح

في حياته وما يمديك تفتح فمك


إلا و طار في العجة بدون ما يفهم وش السالفة


و الارتجاج الحاصل له يختلف تماما عن مشكلة المسبة أو المسبوة


حيث يكون الارتجاج هنا نتيجة صدمة و ليس نتيجة روعة .


المطفوق :


من فصيلة المرجوج ...


إلا أن مايميزه هو انه اذا مر من عند كاس أو جيك أو ابريق أو أي شيء


فيه سائل لازم يكبه ( أي يسكبه ) برجله وهو مايدري ،،


ولا تخليه يمر بجنبك وانت معك صينية فيها بيالات لأنه لازم يطقها بيده أو بكتفه ..!!


أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!..... خخخخخخخ


السربوت :

هذا اللي ما يخلي مكان ما يروح له


و قد كان الأولين يطلقون لقب السربوت على من يشرب الدخان


لكن الحين الله يخلف الناس تدخن بيديها و رجليها و لحد يقول لهم شيء.




الملكع :


أما هذا فيعرف حتى السكني (اي الجن )


و مقطع السمكة و ذيلها و مهما تحاول تلف و تدور معه تراه


فاهم و عارف وش تبي بالضبط فلا تتعب نفسك .


زعّيط :


مسوي نفسه يفهم في كل شيء وهو من جنب العارضة.


المصرقع :


هو كل شخص ما يهمه شيء و اللي يطري على باله بيسويه


لأنه ماخذ الدعوة سعة صدر و هبال ...


المفلت :


هو كل شخص ما تقدر أنك تأمنه على شيء


لأنه مهوب تكانة و يتميز بكل أنواع الإهمال و التطنيش....

اللزقه:


هذا الشخص اللي على طول معك وقدامك ووراك وكل شي


وتطلع مع الباب تلقاه تركب في السياره تلقاه يطق القزازه وهاكذا.


الصديع :


اي كلمه في راسه يطلعها ولا يتنباء بأفعاله سواء كانت صح ام خطء .



الجنط :

من فصيلت الدلخ. بس انه اعلى مرتبه وتقدير عن العامه من الناس.,.


المريوح:


هذا اللي نفسه شينه . ووده يتفل في وجهك اذا كلمته



الزااااااحف.. <<< هناااا الفللله .,.,:خخخخخخخ

إنسان آخذها عرض مبسوط ويبسط من حوله سريع البديهه ولايفوته شئ..


واطلق شي فيه .. انه اخر همه العالم ومايقولون فيه .. يعني فللها وربك يحلها بمعنى الكلمه ..,


والخرس..من نوع الكمخه والفاهي يقول إيه وهو مايدري وش السالفه..


الطبله ::

هذا عاد من كثرة الغباء مخه تحجر ,.,,.

الأرفل


..من نوع المطفوق يعني لاتقرب له ولاتخليه يقرب لشئ وخصوصا الاعمال الدقيقه لأنه ماينفع فيها..


المسلس..


هذا المسكت واللي ماتدري وش وراه تشوفه تقول أتلى الأجاويد وهو وراه بلاوي..

الرجه.. مصرقع مايجي بمكان الا ويرجه بصوته على غير سنع..


المهفه..

هذا كلمه توديه وكلمه تجيبه..

اللوح..


هذا لو تفهم في جدار يفهم وهو لا ..



مثل ماقال الشاعر ..,


اللوح لوح ولو كثرت عزائمه .,.


الشراره..


هذا مايجي بمكان الا والمصايب وراه يتسبب على من حوله بالقرادات..


الداج..

داج وش معناها يعني ؟؟ داج بالمال والتفكير والحياه العاطفيه .. يعني يطلبك الحل ..,




الفدغ أو الافدغ ......


من يحاول يستخف دمه ويبيك تضحك غصباً عنك واذا ما ضحكت من بلاهته يضحك هو الين تحس ان الشي اللي سواه من جد مضحك ,.., <<<اهداء الى كل من يحاول انه يكون فلله وهو من جنبها ,,

ملطوووووووش بحذافيره
رد مع اقتباس

  #2  
قديم 03-14-2011, 07:00 AM
الصورة الرمزية سامي مشعان
سامي مشعان سامي مشعان غير متواجد حالياً
كاتب ماسي
 
تاريخ التسجيل: Jan 2011
المشاركات: 3,013
معدل تقييم المستوى: 12
سامي مشعان is on a distinguished road
افتراضي

المطفوق :


من فصيلة المرجوج ...



إلا أن مايميزه هو انه اذا مر من عند كاس أو جيك أو ابريق أو أي شيء


فيه سائل لازم يكبه ( أي يسكبه ) برجله وهو مايدري ،،


ولا تخليه يمر بجنبك وانت معك صينية فيها بيالات لأنه لازم يطقها بيده أو بكتفه ..!!


أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!..... خخخخخخخ

اما الفصيله هاذي نعاني منها بكثره خاصه اذا سير عليك وقهويته عني انك ترجع الطوفريه لاهلك ومافيها ولا فنجال يعني كلها راحت ضحايا عنده

وشكرأ للمعلومات والافاده يابو عادل
__________________
رد مع اقتباس

  #3  
قديم 03-15-2011, 12:26 AM
الصورة الرمزية إياد الروقي
إياد الروقي إياد الروقي غير متواجد حالياً
كاتب ماسي
 
تاريخ التسجيل: Sep 2010
الدولة: الرياض
المشاركات: 9,635
معدل تقييم المستوى: 18
إياد الروقي is on a distinguished road
افتراضي

ههههههههه
مشكور يا عبدالله
__________________

رد مع اقتباس

  #4  
قديم 03-15-2011, 12:46 AM
الصورة الرمزية الجريح
الجريح الجريح غير متواجد حالياً
كاتب ذهبي
 
تاريخ التسجيل: Jan 2011
المشاركات: 2,086
معدل تقييم المستوى: 10
الجريح is on a distinguished road
افتراضي

هههههههههههههههه.
مشكور على الموضوع الممتع ..
رد مع اقتباس

  #5  
قديم 03-15-2011, 01:10 AM
مــعــدي الـغـنامـي مــعــدي الـغـنامـي غير متواجد حالياً
شاعر
 
تاريخ التسجيل: Jul 2010
المشاركات: 1,580
معدل تقييم المستوى: 10
مــعــدي الـغـنامـي is on a distinguished road
افتراضي

السلام عليكم
مساء الخير اوصباح الخير

الله يعطيك العافيه

العربجيهههههههههههه
تحياتي لك
رد مع اقتباس

  #6  
قديم 03-15-2011, 01:15 AM
الصورة الرمزية الامير
الامير الامير غير متواجد حالياً
كاتب متألق
 
تاريخ التسجيل: Apr 2010
الدولة: الرياض
المشاركات: 1,229
معدل تقييم المستوى: 10
الامير is on a distinguished road
افتراضي

هههههههههه مشكوور على الموضوع المميز
__________________
اللهم اني أعوذ بك أن أضِل أو أُضل
رد مع اقتباس

  #7  
قديم 03-15-2011, 01:35 AM
الصورة الرمزية سموالذات
سموالذات سموالذات غير متواجد حالياً
كاتب ماسي
 
تاريخ التسجيل: Dec 2010
المشاركات: 8,017
معدل تقييم المستوى: 17
سموالذات is on a distinguished road
افتراضي

المسلس..


هذا المسكت واللي ماتدري وش وراه تشوفه تقول أتلى الأجاويد وهو وراه بلاوي..



يعني هذولي الي يطلق عليهم ياما تحت السواهي دواهي يابعد راسي ياهالنوع
والباقين الله يخلف على امهاتهم هههههههههههههههههههههههههههههههههههههههههه
عبدالله الف شكر على الموضوع احترامي
رد مع اقتباس

  #8  
قديم 03-15-2011, 03:23 AM
الحنونه الحنونه غير متواجد حالياً
كاتب ماسي
 
تاريخ التسجيل: Apr 2010
المشاركات: 4,489
معدل تقييم المستوى: 13
الحنونه is on a distinguished road
افتراضي

الطبله ::

هذا عاد من كثرة الغباء مخه تحجر ,.,,
....هههه كل الشكر لك اخوي عبدالله..
__________________
رد مع اقتباس

  #9  
قديم 03-15-2011, 12:51 PM
الصورة الرمزية مخاوي الذيب
مخاوي الذيب مخاوي الذيب غير متواجد حالياً
مشرف ومراقب سابق
 
تاريخ التسجيل: Oct 2010
الدولة: المنطقة الغربية
المشاركات: 2,600
معدل تقييم المستوى: 11
مخاوي الذيب is on a distinguished road
افتراضي

يعطيك الف عافية
__________________
رد مع اقتباس

  #10  
قديم 03-16-2011, 02:57 AM
الصورة الرمزية عبدالله بن نايف الغنامي
عبدالله بن نايف الغنامي عبدالله بن نايف الغنامي غير متواجد حالياً
 
تاريخ التسجيل: Feb 2011
المشاركات: 75
معدل تقييم المستوى: 8
عبدالله بن نايف الغنامي is on a distinguished road
افتراضي

المشاركة الأصلية كتبت بواسطة العبرود



المطفوق :


من فصيلة المرجوج ...


إلا أن مايميزه هو انه اذا مر من عند كاس أو جيك أو ابريق أو أي شيء


فيه سائل لازم يكبه ( أي يسكبه ) برجله وهو مايدري ،،


ولا تخليه يمر بجنبك وانت معك صينية فيها بيالات لأنه لازم يطقها بيده أو بكتفه ..!!


أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!..... خخخخخخخ

اما الفصيله هاذي نعاني منها بكثره خاصه اذا سير عليك وقهويته عني انك ترجع الطوفريه لاهلك ومافيها ولا فنجال يعني كلها راحت ضحايا عنده

وشكرأ للمعلومات والافاده يابو عادل










العبرود هههههههههههههه حدث ولا حرج واجد بربعنا خخخخخخخخ فديت مرورك المميز
رد مع اقتباس
إضافة رد

مواقع النشر (المفضلة)

المواضيع المتشابهه
الموضوع كاتب الموضوع المنتدى مشاركات آخر مشاركة
مصطلحات عربية أبو بتـــــال القسم العام 12 12-17-2011 10:42 AM

أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 09:33 PM


جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط