مرحبا بكم في منتدى قبيلة الغنانيم كلمة الإدارة


ديوانية شعراء الغنانيم قصائد شعراء الغنانيم ومحاوراتهم الشعرية.

إضافة رد

  #1  
قديم 06-25-2011, 02:11 AM
بناخي مطير بناخي مطير غير متواجد حالياً
 
تاريخ التسجيل: Jun 2011
المشاركات: 86
معدل تقييم المستوى: 8
بناخي مطير is on a distinguished road
افتراضي قصيدة : عسير العطاوي

يا راكب حر سديس زمر به

سديس والا طالع رأس نابه

يرعى القرار ان طال نبت الزهر به

من الوسم لين الصيف طاحت شرابه

لولا اللواحي عن رديفه زمر به

وليا نهرته بالعصى جاك ما به

وليا عطى الأرض السواء كن ضربه

ضرب البرد من مستهل السحابه

انسف يمينك (كشب) ترى الجمر به

عط به رقاق ما تضالع ركـــــــابه

وعطوه من (عد الموازين) شـــــربه

العيلم اللي على جـــــــال لابه

والهضب لا تاطاه ترى الخطــــــر به

تراه مدهال العداء والحـــــرابه

واصاحبي باول شهر ويش قــــربه

وثاني شهر يابعد دار رعـــــابه

وثالث شهر جاب الطروش الخبر به

يذكر من الشعبة الى اطراف شابه

والخد براق بليل سهــــــــر به

تمطر مقاديمه.. وتردم عقـــــــابه

والقرن ذيل كحيلة قدم سربه

والا الجنايب يوم حل انصـــــبابـــه
تصبري والصبر ماهو بذربه

صبرك بصبري لو زمــــــانه نحابه

شوقي نحا بالشام والشوق غربه

من دونه اللي ينقلون الربــــــــابه

ياطير ياخفاق ريش شهــر به

انشدك ماعينت جالي عــــــــذابه

عهدي بهم والصيف كل ظهر به

واليوم طلع الغيث مقفي اجبــــابه




هذا وقد عارض القصيدة عدد من الشعراء منهم الشاعر هذال بن نفيع المطيري حيث قال:

ياراكب اللي كن اذانيه حربه

حر يسوقون المهر في ضرابه

اشقر رباع موحش عقب طربه

وليا حدوا به على العسر ما يهابه

الحق عسير المزحمي واخذ دربه

غليم للقوم يتعب اركابه

ارقب شعر وشعير اذن النشر به

وراقب على وادي هدان وحضابه

تلفون بيته بين ما حجر به

يجون سدّه مرتخين الحجابة

يوم الردي بيته في شعب دغربه

بيته على درب الطراقي بدابه

وكم ليلة كبش المربي عثربه

يوم الردي دايم كثير حسابه

ان كان قلبه زاد ود حشر به

خله يدور بالطرف والقرابه

ويكب حي منتحى عنه سربه

ود نحاه البعد مافيه ثابه

وراه مخلد ود جزعاء نكربه

ذاق النكر من ودها يوم صابه

يرمي بروحه كل حال بصر به

ما حصل اللي يمتنى في شبابه

الود عذب من بغاه وغدر به

عزي لتباع الهوى واشتقابه

ومندوبه اللي راح حل القشربه

الله رمى به جوف غصن النشابه

اقشر نصيبه والجمل فيه ضربه

وليا حداه على العسر جاك مابه

طاحت عصاه وماء صميله نثر به

ولا له عصى الا بندقه والعصابه

ان جاء يخبطه بالعصا فهربه

وليا فحم باعسر مكان التوابه

ياما تسند به وياما انحدر به

وياما تسهل به وياما اعتلابه

ورده يمين ويم سفوى دشر به

ووازن مع الشعبة مفيض القصابه

ثم اطرق الكرب من عند زربه

متخطر خشم الكهف والخرابه

عقب ضلاعين الخشاش وفهر به

وليلة ثلاث ليال عقب عتابه

وبعد وصل يم المضيق انكسر به

واقبل على رجليه ينقل زهابه

وعلم حضير بالمعاني بدربه

وقالوا هاذاه اقشر نصيب رمابه



يا احباب هذه القصيد للشاعر الشجاع عسير العطاوي ولها قصه وقصتها انه كان يتغزل باحد بنات البادية وهي من قبيلة الموازين من مطير وكان اهل هذه البنت قريب موقعهم من موقع الشاعر ولكنه احب ان يبعدها اثناء القصيده حتى لاينكشف الامر .


ولكن ياخوان اعتقد ان القصيدة متداخله مع الرد عليها حيث ان البيت الاول من رد المطيري هو في الاصل من قصيدة عسير .......... فمن لديه معرفة يصحح .


__________________
... إْشـتقت لـك يـإْ " زِيـن " وِيـن إْلإقـيـك *** محـتـإْج لـك بـإْلـحيل وِدي إْشـوِفـك ...
رد مع اقتباس

  #2  
قديم 06-25-2011, 02:47 AM
الصورة الرمزية طلال الغنامي
طلال الغنامي طلال الغنامي غير متواجد حالياً
كاتب فضي
 
تاريخ التسجيل: Mar 2009
المشاركات: 1,699
معدل تقييم المستوى: 11
طلال الغنامي is on a distinguished road
افتراضي

بناخي مطير

صح قولك ومنقولك والقصيده اكثر الموجودين حافظينها والاخ الشاعروالراوي سلطان براك

راجعها قبل وكتبها حسب مارواها له كثير من شياب الغنانيم
__________________
انا اشهدانك مرتكي كنك طويق=لولاك كان ابطيت وانا اتحلم
من لاعرف وقفتك في ساعة الضيق=يفداك يامسري لو انه ولدعم
رد مع اقتباس

  #3  
قديم 06-25-2011, 03:49 AM
الصورة الرمزية سموالذات
سموالذات سموالذات غير متواجد حالياً
كاتب ماسي
 
تاريخ التسجيل: Dec 2010
المشاركات: 8,017
معدل تقييم المستوى: 16
سموالذات is on a distinguished road
افتراضي

تسلم يمينك على النقل والله يرحم عسير
__________________
قُل كُلٌّ يَعمَلُ عَلَى شَاكِلَتِهِ (قرآن كريم , الإسراء ايه 84)
رد مع اقتباس

  #4  
قديم 06-25-2011, 07:52 AM
مــعــدي الـغـنامـي مــعــدي الـغـنامـي غير متواجد حالياً
شاعر
 
تاريخ التسجيل: Jul 2010
المشاركات: 1,580
معدل تقييم المستوى: 10
مــعــدي الـغـنامـي is on a distinguished road
افتراضي

تسلم يمينك على النقل والله يرحم عسير وجميع اموات المسلمين
رد مع اقتباس

  #5  
قديم 06-25-2011, 10:30 AM
الصورة الرمزية فيصل الـروقي
فيصل الـروقي فيصل الـروقي غير متواجد حالياً
كاتب ذهبي
 
تاريخ التسجيل: May 2011
المشاركات: 2,996
معدل تقييم المستوى: 10
فيصل الـروقي is on a distinguished road
افتراضي

صح قولك ومنقولك
رد مع اقتباس

  #6  
قديم 06-25-2011, 03:17 PM
الصورة الرمزية إياد الروقي
إياد الروقي إياد الروقي غير متواجد حالياً
كاتب ماسي
 
تاريخ التسجيل: Sep 2010
الدولة: الرياض
المشاركات: 9,635
معدل تقييم المستوى: 18
إياد الروقي is on a distinguished road
افتراضي

بناخي مطير مشكور وبيض الله وجهك على النقل
__________________

رد مع اقتباس

  #7  
قديم 06-28-2011, 11:59 PM
الصورة الرمزية نوح فايح الغنامي
نوح فايح الغنامي نوح فايح الغنامي غير متواجد حالياً
كاتب ذهبي
 
تاريخ التسجيل: Mar 2011
المشاركات: 2,816
معدل تقييم المستوى: 10
نوح فايح الغنامي is on a distinguished road
افتراضي

صح قولك ومنتقولك وبيض الله وجهك
رد مع اقتباس
إضافة رد

مواقع النشر (المفضلة)

المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة للشاعر سعد بن عسير بن ساير الغنامي ساير الغنامي ديوانية شعراء الغنانيم 8 10-29-2011 01:07 PM
قصيدة للشاعر والفارس عسير الغنامي الحر النداوي ديوانية شعراء الغنانيم 9 06-20-2011 01:36 AM
رد على قصيدة جهز العطاوي ابوذيب القبوري ديوانية شعراء الغنانيم 9 02-10-2011 10:50 PM
مجموعه من قصائد ناصر الفراعنه السبيعي ((رووعه)) الغنامي منتدى الصوتيات 10 09-24-2010 08:13 PM

أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 11:23 PM


جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط